Ol Strong Fandesen we Oli No Save Finis

Bildim long Strong Graon

Droing i kam long Emily Jones

Mi wajem, konfius, taem famli blong mi mo mi i wotarem fandesen blong haos blong mifala. Mi filim se i krangke. ?Hu i bin harem finis we man i stap wotarem wan haos? Taem mifala i muv i go long Teksas, YSA, neba blong mifala i eksplenem se long eria ia mifala i nidim blong wotarem fandesen blong haos blong mifala blong mekem se weta i no save mekem simen blong haos i krak. Mekem se mi wotarem haos, nomata mi filim krangke blong mekem.

Stap wotarem i help blong wan taem, be afta haos blong mifala i stat blong krak. Mifala i kam blong save se haos blong mifala oli no bin bildim long wan strong graon. OIi bin bildim long wan ples blong sakem toti, we i mekem haos blong mifala blong draon i go daon from toti andanid i stap roten sloslo. Mifala i wotarem fandesen be haos blong mifala bae i stap krak nomo. Mekem se mifala i muv aot.

Eksperiens ia i rimaenem mi long impoten blong bildim fandesen blong mi long saed blong spirit long wan strong graon blong gospel blong Jisas Kraes. I bin gat ol taem we mi no bin filim wan strong biliv abaot gospel. Blong stap jusum blong biliv, mi “wotarem fandesen” blong fet blong mi kasem mi save bildim wan testemoni long strong graon blong gospel. Taem mi jusum blong laef folem gospel blong Jisas Kraes, mi bildim wan strong fandesen we i no save krak.

Ann J., Maryland, YSA