“Fevret blong Mi … Ples blong Tingting Hevi” Blong Ol Yut Oli Kam Strong, Jenuware 2023.
Fevret blong Mi …
Ples blong Tingting Hevi
?Yu yu gat wan fevret ples we yu laekem blong tingting hevi?
Taem yu tingting hevi, yu kasem wan moa andastaning we i no save finis. I save helpem yu blong kam moa gud long saed blong helt blong tingting blong yu, blong kliarem hed blong yu long konfiusen mo wari we i kam long ol temtesen mo ol samting we i save pulum tingting long evri tedei laef. Sam pipol oli gat wan spesel ples we oli laekem blong go stap tingting hevi long hem. !Jekem aot sam long ol ples blong tingting hevi we ol yut oli serem!
Tingting Hevi: Stap tingting hevi i minim blong openem maen mo hat blong yu long smol voes blong Tabu Spirit taem yu stap stadi mo stap tingting abaot gospel. Stap tingting hevi fulwan, we i save tekem ples long eni ples, i nidim se yu putum insaed sam wok long saed blong spirit taem yu stap lukaotem revelesen.
Aot saed long Wota
Fevret ples blong mi blong tingting hevi i long eni ples antap long wota, olsem wan lek o solwota. Long foto ia mi stap long bot blong apu man blong mi. Mi laekem blong stap long ples ia from mi filim kolosap long Spirit, speseli taem san i stap girap o i stap go draon. Mi stap kasem insperesen mo kam antap wetem ol evri gudfala aedia long ples ia.
Macey M., 16, Teksas, YSA
Faenem Taem Yuwan
Bes ples blong tingting hevi blong mi i taem mi stap miwan. Mi tingting hevi evri taem, long ples blong swim o long wan ples we i kwaet olsem long hom long taem blong skripja stadi blong mi. Mi go ron long baeskel, mo samtaem lisin long wan Kam Folem Mi podcas. Mi givim miwan taem blong sidaon long ol naes ples we u fulap long tri mo flaoa blong tingting hevi.
Grant R., 14, Teksas, YSA