Ti Jalenj

Wan dei long taem we ples i kolkol, mi stap wokabaot raon long skul wetem ol fren blong mi Alice mo Trevor taem mifala kam long wan saen we i rid olsem: “I gat kap blong ti.” Trevor i glad tumas mo i wantem blong pem ti blong mifala evriwan. “No, tangkyu,” Mi talem.

Evri dei Trevor i wantem pem wan kap blong ti blong mi, mo mi gohed blong talem no. Afta hem i askem from wanem mi no wantem dring ti. Mi talem long hem abaot Tok blong Waes, stap lukluk se bae hem i andastanem mi. Be hem i tekem se i wan fani samting. Hem i traem blong mekem mi blong brekem Tok blong Waes.

“I no olsem se yu stap tekem ol drag,” hem i talem. “!Hemia wan kap blong ti nomo bae i no save spolem yu!”

Long nekis wik, hem mo ol fren blong hem stap jikim mi moa. Mi traem blong no sem, hem i no isi.

Samtaem afta, oli harem nogud long wanem oli stap mekem mo oli stop blong jikim mi. Wan dei, tija blong mi talem long mi: “Oltaem yu stap olsem wan eksampol blong fet mo relijin blong yu. Mi praod long yu”.

Mi praod long miwan tu. I no bin isi oltaem, be mi save se bae mi kasem blesing from mi stanap long wanem mi biliv long hem.

Nicolé M., West Midlands, Yunaeted Kingdom