“Stap Faenem Glad long Miusik Seves,” Blong Ol Yut Oli Kam Strong, Jenuware 2021.
Ol Strong Fandesen we Oli No Save Muv
Stap Faenem Glad long Miusik Seves
Droing i kam long Emily Jones
Mi stat tekem ol piano lesen taem mi gat seven yia. Long fastaem, i bin had blong ridim ol miusik not mo givim atensen long taem blong lesen blong mi. Mi no bin laekem blong praktisim piano.
Afta mama blong mi i askem mi blong plei “When I Am Baptized” (Children’s Songbook, 103) long taem we mi baptaes. Hem i fastaem blong mi blong plei long jos. Mi bin fraet be mi glad long miwan taem mi mekem hemia.
I no long taem mi bisi wetem ol skul mo wantem blong finis long piano, be papa mo mama blong mi i leftemap tingting blong mi blong gohed blong stap lanem. Oli talem se sapos mi gohed blong stap plei, bae mi faenem glad blong stap givim seves long Lod.
Stat long taem ia, mi lavem blong stap plei long piano. Mi stat blong plei long sakramen miting, mo taem mi gat 12 yia, oli singaotem mi blong stap olsem man blong plei piano long wod. !Mi bin glad tumas! Mi plei long ol presentesen blong praemeri mo wetem wod kwaea blong mifala long taem blong ol wod konfrens mo divosen. Mo tu oli singaotem mi blong stap olsem man blong plei piano long stek kwaea long taem blong stek konfrens.
Mi talem tangkyu long papa mo mama blong mi blong leftemap tingting blong mi blong mekem bes blong mi. Bae mi oltaem talem tangkyu long Papa long Heven long talen we Hem i givim long mi. Mi save bae mi yusum ol talen blong mi long misin blong mi mo long ol nara seves sam dei. I tru mi faenem glad blong stap givim seves long Lod.
Jyle S., National Capital Region, Philippines