2023
Erom̧ Āinwōt Kraist
Jānwōde 2023

“Erom̧ Āinwōt Kraist,” N̄an Kōkajoorļo̧k Jodikdik ro, Jān. 2023.

Erom̧ Āinwōt Kraist

Jisōs Kraist

Juon iaan m̧ōttan būrookraam̧ eo an Ajri ro im Jodikdik ro ej n̄an kajjieon̄ in erom̧ eļapļo̧k āinwōt Kraist n̄an eddōkļo̧k ilo jetōb, iiaio̧, kanniōk, im jeļāļo̧kjeņ (lale Luk 2:52). Tōmak ak jab tōmak, jerbale kōttōpar ko eban kanooj pidodo ilo am̧ ļōmņake. Lale eļmen an jodikdik ro ilo aolepān laļ in eddōkļok n̄an erom̧ āinwōt Kraist!

Mour ilo Jetōb

juon jiron̄

Etam̧: Catalina

Jikin: Chile

Kōttōpar: Riiti Jeje ko Rekwojarjar im jar aolep raan

“Ij kajjieon̄ in pād epaakeļo̧k Jetōb ilo jar. Ij jar kajjojo bon̄ m̧okta jen kiki innām riiti jeje ko aō rekwojarjar. Ij lukkuun kate eō meļeļe jeje ko rekwojarjar. N̄e ij riit im jar kajjojo raan, ij en̄jake aenōm̧m̧an im epaakeļo̧k n̄an Anij.”

Iiaio̧

juon jiron̄

Etam̧: Raisa

Jikin: Samoa

Kōttōpar: Jeļā eļapļo̧k kajjien jiron̄ ro ilo kūlaaj eo an

“Imaron̄ in jeļā kajjien etan aolep jiron̄ ro ilo ward eo aō, ak ijjab jeļā wōn er ak ta eo rej kōņaan. Kōn menin iaar jino juon ilo̧k juon ippān kajjojo jiron̄ ro, im juon eo ejokook āinwōt n̄a, iaar m̧ōņōņō ilo aō lo elōn̄ men ko rein juon wōt ippām. Jon̄an iien eo iaar joļo̧k n̄an jeļā kajjier, ej jon̄an eo iaar lo aiboojoj eo an jiron̄ rein ilo wāween eo Jemedwōj Ilan̄ ej lo er.”

Ānbwin

juon likao

Etan: Eugene

Jikin: Kenya

Kōttōpar: Em̧m̧anļo̧k ilo football (soccer)

“Iaar jino kaminene ippān tiim eo an ro m̧ōtta allōn̄ eo ļo̧k. En̄jake eo ekar jipan̄ eō meļeļe bwe Anij ejjab kōņaan bwe jen make kōm̧m̧ane. Ro m̧ōttad remaron̄ kobatok ippād ilo kōttōpar ko ad n̄an āinwōt Rilo̧mo̧o̧r. E ejeļā bwe jej aikuji doon n̄an tōprak. N̄e jej jar, E enaaj likūt armej ro ilo mour ko ad n̄an jipan̄ kōj ilo jekjek eo ad em̧m̧antata.”

Ilo Jeļāļo̧kjeņ

juon likao

Etam̧: Jackson

Jikin: South Carolina, USA

Kōttōpar: Eaetok Kitien: juon waaō waan ko̧m̧m̧an m̧ōn̄ā juon raan; kadu kitien Katak kilen iiōk m̧ōn̄ā

“Iaar ba n̄an juon iaan ritōl ro aō ilo Doulul eo an Likao ro kōn kōttōpar eo aō n̄an bōk juon waan m̧ōn̄ā. Ekar ba, ‘aolep iiō ij kōm̧m̧an juon bade in bar ro̧o̧ltok n̄an jikuuļ. Etke kwojjab itok im kōmat n̄an kōm̧?’ Kōn menin ikar. Iaar kōm̧m̧ane tarrin 50 hot dog im burger ko ilo ium̧win wōt 45 minit. Em̧m̧an ippa iiaio̧ ippān doulul eo aō, im ikar bōk jet kapilōk jān en̄jake in im jet wōnm̧aanļo̧k. Ekar ļap aō ekkatak.”