“Idajon̄jon̄ kōn Tea,” N̄an Kōkajoorļo̧k Jodikdik ro, Jān. 2021.
Pedped ko Reppen
Juon Idajon̄jon̄ kōn Tea
Juon raan ilo wintōr, ikar etetal ilo meļan eo an jikuuļ ippān ro m̧ōtta Alice im Trevor ijo kōm eaar lo juon jain ej riit āinwōt in: “Ewōr kab in tea kiiō.” Ilo m̧ōņōņō, Trevor ekar kōņaan wia nim̧ōm̧mim kab in tea. Iaar ba “Jaab, kom̧m̧ool.”
Aolep raan Trevor ej letok nim̧ō tea, im ijjab bōke. Āliktata, ekar kajjitōk ippa etke ijjab idaak tea. Iaar ba n̄an e kōn Naan in Māletlet, kōtmene bwe enaaj meļeļe. Ak ekar kōm̧m̧an bwe en menin kōm̧m̧an kōjak. Ekar kajjieon̄ bwe in rubwe Naan in Māletlet.
Ekar ba, “ejjab āinwōt n̄e kwoj idaak dānnin kadōk.” “Juon kab in tea ejjab nana!”
Wiik eo juon, e im ro m̧ōttan rekar jino ļapļo̧k aer kakitōtōik n̄a. Iaar kajjieon̄ in pen wōt, men̄e ekar jab pidodo.
Aolep iien, raar jino en̄jake ke kōm̧m̧an ko aer renana im raar bōjrak aer kakitōtōik n̄a. Juon raan, rikaki eo aō ekar ba n̄an n̄a, “kwoj aolep iien waanjon̄ak eo em̧m̧an kōn tōmak im kabun̄ eo am̧. Ij m̧ōņōņō kōn kwe.”
Ij bar m̧ōņōņō kōn n̄a make. Ekar jab pidodo aolep iien, ak ijeļā inaaj jeraam̧m̧an n̄an jutak kōn jon̄ak ko aō.
Nicolé M., West Midlands, United Kingdom