“Em̧m̧an ippa … Jikin eo n̄an Kejokļo̧kjeņ,” N̄an Kōkajoorļo̧k Jodikdik ro, Jān. 2023.
Em̧m̧an Ippa …
Jikin eo n̄an Kejokļo̧kjeņ
Ewōr ke juon jikin eo em̧m̧an ippam̧ ijo n̄an am̧ kejokļo̧kjeņ?
N̄e kwoj kejokļo̧kjeņ, kwoj bōk eļapļo̧k eddōkļo̧k indeeo. Emaron̄ bar jipan̄ eok kōkm̧anm̧anļo̧k kōmālij eo am̧ n̄an jab lukkuun ļōmņak kōn men ko rej kaipokpok im kainepata jān kapo ko im poktak ko an mour in kajojo raan. Jet armej elōn̄ aer jikin ejenolo̧k ijo em̧m̧an ippāer etal im kejokļo̧kjeņ. Lale jet iaan jikin kejokļo̧kjeņ kein kar kwaļo̧ki jān jodikdik ro jet!
Kejokļo̧kjeņ: Kejokļo̧kjeņ meļeļein kōpeļļo̧k ļōmņak eo am̧ im būruōm̧ n̄an im̧we ko an Jetōb Kwojarjar ilo am̧ ekkatak im ļōmņak kōn gospel in. Lukkuun kejokļo̧kjeņ, eo emaron̄ waļo̧k aolep jikin, ekōm̧m̧an bwe kwon likūt jet jerbal ekwojarjar ilo am̧ pukot revelesōn.
Pād ilo Dān
Jikin eo em̧m̧an ippa n̄an kejokļo̧kjeņ ej ilo jabdewōt ijoko ewōr dān, āinwōt reba ko ak lo̧jet. Ilo pija in ikar pād ilo wa eo waan jim̧m̧a. Em̧m̧an n̄e ij pād ijo kōnke ij en̄jake Jetōb, eļaptata ilo an aļ tak im aļ tulo̧k. Ij kajjieon̄ bōk im̧we im itok kōn aolep pepe ko aō rem̧m̧antata.
Macey M., 16, Texas, USA
Pukot Iien Makeļo̧k
N̄an n̄a jikin eo em̧m̧antata n̄an kejokļo̧kjeņ ej n̄e ij makeļo̧k iaaō. Ij kejokļo̧kjeņ aolep iien, ilo jikin tutu ak ilo juon jikin ejjeļo̧k keroro āinwōt m̧weo ilo aō ekkatak jeje ko rekwojarjar. Ij bajkōļ, im jet iien ron̄jake Itok, Ļoor Eō podcast eo. Ij joļo̧k jidik aō iien im jijet ilo jikin em̧m̧an im kejokļo̧kjeņ ijeņ barāinwōt.
Grant R., 14, Texas, USA