“Ekkal ioon Pedped eo Epen” N̄an Kōkajoorļo̧k Jodikdik ro, Jān. 2023.
Pedped ko Reppen
Ekkal ioon Pedped eo Epen
Kōmeļeļe jān Emily Lui
Iaar lale, tarpok, ke baam̧le eo aō im n̄a kar wutdikdiki pedped in m̧weeo im̧ōm̧. Ikar en̄jake ke ibwebwe. Wōn enan̄in ron̄ kōn katutu juon em̧? Ke kōm̧ eaar em̧m̧akūtļo̧k n̄an Texas, USA, eo riturum̧ ekar ba tok ke eria eo kōmij aikuj wutdikdiki pedped eo an mweeo bwe mejatoto eo en jab kōm̧m̧an an m̧weeo wōtļo̧k im rub. Kōn menin iaar wutdikdiki m̧weeo, men̄e iaar bwebwe ilo kōm̧m̧ane.
Wutdikdiki ekar jipan̄ ilo jidik wōt iien, ak ilo m̧ool, m̧weeo m̧ōm̧im ekar jino rub. Tokālik kōm eaar lo bwe m̧weeo m̧ōm̧im ekar jab ekkal ioon pedped eo epen. Ekar ekkal ioon kopej, eo ekar kōm̧m̧an bwe m̧weeo m̧ōm̧im en rum̧ļo̧k āinwōt kopej ko rej rum̧ļo̧k ilo bwidej aolep iien. Kōm̧ kar wutdikdiki pedped eo, ak m̧weeo m̧ōm ekar rub wōt. Kōn menin kōm kar em̧akūt.
En̄jake in ej kakeememej eō kōn aorōk eo n̄an kalōk pedped in jetōb eo an ioon pedped eo epen an gospel eo an Jisōs Kraist. Ewōr iien ko ij en̄jake aō jab lukkuun kajoor jān kwaļo̧k kōn gospel in. N̄an kālet n̄an tōmak, Iaar “wutdikdiki pedped eo” kōn aō tōmak m̧ae iien imaron̄ kalōk juon naan in kam̧ool ioon pedped eo epen ilo gospel in. Ke iaar kālet n̄an mour kake gospel in an Jisōs Kraist, iaar ekkal ioon juon pedped eo epen an rub.
Ann J., Maryland, USA