“Lo Mōņōņō kōn Jerbal in Jipan̄ al,” N̄an Kōkajoorļo̧k Jodikdik ro, Jān. 2021.
Pedped ko Reppen
Lo Mōņōņō kōn Jerbal in Jipan̄ al
Kōmeļeļe jān Emily Lui
Iaar jino ekkatak piano ke ikar jiljilimjuon aō iiō. Ilo jinoin, ekar pen n̄an aō riit no̧o̧t in al ko im lukkuun leļo̧k aō ilo katak ko aō. Ikar jab kōņaan ekkatak piano.
Ak m̧am̧a ekar kajjitōk ippa bwe in kōjan̄e “When I Am Baptized” (Children’s Songbook, 103) ilo peptaij eo aō. Ekar kein kajuon aō kōjan̄jan̄ ilo m̧ōņjar eo. Ikar ikum̧kum̧ ak m̧ōņōņō kōn n̄a make ke iaar kōm̧m̧ane.
Tokālik iaar boub ilo jikuuļ im kar kōņaan bōjrak, ak ro jinō im jema raar rōjan̄ wōt n̄a bwe in ekkatak. Raar ba bwe in kōjan̄jan̄ wōt, iaar lo m̧ōņōņō in jerbal n̄an Irooj.
Jen iien eo, eaar em̧m̧an ippan kōjan̄jan̄ piano. Iaar jino kōjan̄jan̄ ilo kweilo̧k in kwojkwoj eo, im ke iaar 12 ikar kūr āinwōt rikōjan̄jan̄ piano an ward eo. Iaar lukkuun m̧ōņōņō! Iaar kōjan̄jan̄ ilo būrookraam ko an Būraimere im jipan̄ kumi in al eo an ward ilo iien kweilo̧k ko an ward im nokon in jota ko. Iaar bar kūr āinwōt juon ripiano n̄an kumi in al an stake im kōjan̄jan̄ ilo kweilo̧k eo eļap an stake.
Ij m̧ōņōņō kōn ro jinō im jema kōn aer rōjan̄ eō n̄an kōm̧m̧ane ijo em̧m̧antata ilo n̄a. Inaaj aolep iien m̧ōņōņō kōn Jemedwōj Ilan̄ kōn taļōn eo E ekar letok n̄an eō. Ijeļā juon raan inaaj maron̄ in kōjerbal taļōn ko aō ilo mijen eo aō im ilo jerbal in jipan̄ ko jet. Ij lukkuun lo m̧ōņōņō n̄an jerbal n̄an Irooj.
Jyle S., National Capital Region, Philippines