N̄an Un eo

Wōn Em̧m̧aan ro Rimāletlet?

Jeje ko rekwojarjar rej jiron̄ kōj bwe “em̧m̧aan ro rimāletlet rej [itok] jān reeaar” (Matu 2:1) n̄an pukot Rilo̧mo̧o̧r eo. Naan eo em̧m̧aan ro rimāletlet ej itok jān juon naan in Persian, magi. Men̄e ejjab lukkuun waļo̧k wōn kar em̧m̧aan rein, ewōr wōt jejjo̧ men ko jemaron̄ ba jejeļā kake er jān ta eo kar jiron̄ kōj.

Armej ekkā aer ļōmņak bwe ekkar jilu Em̧m̧aan ro Rimāletlet kōnke rekar bōktok jilu menin letok ko. Ak ejjab lukkuun alikkar jān jeje ko rekwojarjar kar jete Em̧m̧aan ro Rimāletlet. Jej barāinwōt meļeļe bwe rekar loļo̧k Jisōs ke ej juon ajri edik ijeļo̧kin āinwōt juon nin̄nin̄ (lale Matu 2:11).

Ealikkar bwe Em̧m̧aan ro Rimāletlet rekar armej in kabun̄ im kar jeļā jet kanaan ko kōn ļotak eo an Messaia eo. Remaron̄ kar jānbwij eo an armej ro an Irooj. Raar tiljek pukot Nejin Anij im kar tōlļo̧k n̄an E jān Jetōb. Raar bōktok n̄an E menin letok ko innām bar rooļ im kam̧ool kōn ļotak eo An n̄an armej ro aer. Kar barāinwōt kakkōl er ilo ettōņak n̄an jab jiron̄ Herod ijo ajri eo epād ie.

Tōmak im tiljek eo aer emaron̄ juon waanjon̄ak eim̧we n̄an kōj ilo iaļ in ad make n̄an epaakelo̧k Rilo̧mo̧o̧r eo.