Kajjitōk ko im Uwaak ko

“Jet iien ij en̄jake bwe ro jinō im jema eļap aer ekajete eō. Elmen aō maron̄ uwaak ilo kautiej?”

“Karuwaineneik Irooj n̄an m̧ōttan ko̧o̧njeļ an baam̧ļe eo ad kōn jar naaj kōkm̧anm̧an jemjerā ko ad n̄an doon. Jemaron̄, kōn jipan̄ eo an Jemedwōj Ilan̄ im ad Rilo̧mo̧o̧r, ļapļo̧k ad kijenmej, jouj, jipan̄, jeorļo̧k bōd, im meļeļe ilo ad jar kōn jipan̄.”

Būreejtōn M. Russell Ballard, Ripenej Jenkwan Būreejtōn eo an Doulul eo an Jon̄oulruo Rijilōk ro, Epr. 2016 kweilo̧k eo eļap (Ensign ak Liahona, May 2016, 65).

Joļo̧k Iien Ippān Doon

Jinōm̧ im jem̧ōm̧ rej lewaj kapilōk im jim̧we kōnke rej iakwe eok im kōņaan jipan̄ eok tōprak. N̄e jim̧we in ejjab jejjet, bōk jidik iien n̄an kōnono kake juon ilo̧k juon ippān ro jinōm̧ im jem̧ōm̧ ilo iien eo komiro jim̧or jokne. Kwomaron̄ lo juon iien n̄e komiro jim̧or ej kōm̧m̧ane juon men em̧m̧an ippām̧ kōm̧m̧ane, āinwōt kōmat ak kājimourur. Menin ejipan̄ n̄an karuwainenetok Jetōb n̄an bwebwenato eo.

Rebekah M., 17, Maryland, USA

Keememej Rej Iakwe Eok

N̄e kwoj keememej bwe ro jinōm̧ im jem̧ōm̧ rej kajim̧we eok im kapilōk eok kōnke rej iakwe eok, epidodoļo̧k n̄an bōk jim̧we eo aer. Kwaļo̧k juon jar eo em̧ōkaj im kajjitōk bwe Jetōb en jipan̄ eok n̄an pād wōt ilo kautiej im ettā enaaj jipan̄ eok em̧m̧anļo̧k am̧ kōnono ippaer.

Lauren M., 16, Texas, USA

Mool ej Kōmour

Em̧m̧an, kōnono m̧ool emaron̄ mijal aolep men ko reppen. Jijet ippān ro jnōm̧ im jem̧ōm̧ im kōnono ippāer. Kwaļo̧k n̄an er ta eo ekōmetak eok, im ron̄jake ta eo ekōm̧m̧an bwe ren būrom̧ōj im inepata. Joļo̧k eļap iien ippān doon, im kwaļo̧k iakwe im aenōm̧m̧an ilowaan jemdo̧o̧n eo ami im ilo kapijuknen. N̄e kwoj illu, kajjitōk ippān Jemedwōj Ilan̄ bwe en kalur būruōm̧.

Rafaella P., 17, São Paulo, Brazil

Kwaļo̧k Am Iakwe Er

Kwomaron̄ uwaak ilo kautiej, men̄e epen. Kwaļo̧k n̄an jinōm̧ im jem̧ōm̧ kwoj iakwe er, bwe kwoj kea kake er, im bwe kojeļā ke rej iakwe er. Ba bwe ren jeļā ta eo raar ba ekōmetak am̧ ilo en̄jake, jetōb, im kōļmenļo̧kjeņ. Jar emakijkij. Jemedwōj Ilan̄ enaaj lukkuun jipan̄ eok.

Wellie S., 13, Luanda, Angola

Rej Lo Aorōk eo Am̧

Anij ej kōtmene em̧m̧antata eo ilo kōj im jemaron̄ lo aorōk eo ad em̧ool. En̄in ej unin An kōņaan eļap jān kōj. Ro jinōm̧ im jem̧ōm̧ rej bar lo aorōk eo am̧ im kōņaan em̧m̧antata eo ilo kwe im n̄an am̧ tōprak! Remaron̄ in jab wānōk n̄an rōjan̄ eddōkļo̧k eo am̧, im kwojjab bar wānōk n̄an tōpare. En wōr m̧ool, kōnono ilo iakwe n̄an ro jinōm̧ im jem̧ōm̧, im Jetōb enaaj tōl eok n̄an lo meļeļe.

Brooke T., 18, Arizona, USA

Kwon juon Riron̄jake eo Ettā

Iaar kajjieon̄ in juon riron̄jake eo em̧m̧an. Ij kajjieon̄ in ron̄jake ta eo ro jinō im jema rej ba ijelo̧kin akweel ak kōraate er. Ebōk iien n̄an kijenmej im ettā, ak kōm̧m̧an āindein emaron̄ kōkajoorļo̧k jemdo̧o̧n eo am̧ ippān ro jinōm̧ im jem̧ōm̧ im ekōm̧m̧an bwe en wōr jokne ippān doon.

Kami K., 18, Utah, USA

Uwaak ko rej n̄an jipan̄ im kwaļo̧k ļōmņak, ejjab āinwōt ennaan ko remālim ikkijen katak ko an Kabun̄ in.

Ta Am̧ Ļōmņak?

“Ij aikuj kapilōk in jipan̄ n̄an peek m̧akūtkūt ko an jodikdik ro. Ta jet iaan ļōmņak ko rem̧m̧an?”

Jilkintok uwaak eo am̧ im juon pija m̧okta jān Pāpode15, 2023.

Email e kōm ilo [e-mail], or go to ftsoy.ChurchofJesusChrist.org im jiped “Submit Your Work.” Deļon̄e Akkaun eo am̧ ilo Kabun̄ in innām kāālet “N̄an Kōkajoorļo̧k Jodikdik ro” ium̧win “Kāālet Māākjiin.” Jiped “Add File” n̄an kāālet baeļ eo im pija ko am̧, innām jiped “Submit” n̄an an kadeļo̧n̄e im jilkintok n̄an kōm baeļ eo am̧.

Uwaak ko remaron̄ kajim̧we n̄an aitokier im alikkarier.