“O Ai Uluai Aposetolo a Iesu Keriso?,” Mo le Malosi o le Autalavou, Fep. 2023.
Sau, Mulimuli Mai ia te A’u
Mataio; Mareko; Luka; Ioane
O Ai Uluai Aposetolo a Iesu Keriso?
Saili atili e uiga i tamalii masani na valaauina e le Faaola e faia ni mea tulaga ese.
Ata na tusia e Carolyn Vibbert
Peteru
Sa nonofo i Kapanaumi ma lona toalua ma lona tina.
Atalii o Iona; uso o Anetelea.
Ua iloa ia Simona; ona faaigoa lea o ia e Iesu ia Peteru po o Kefa, o lona uiga o le “papa.”
Sa avea ma Aposetolo sili ma mauaina ki o le malo o le Atua i luga o le fogaeleele mai le Alii.
Anetelea
Atonu sa nonofo i Kapanaumi ma Peteru.
Atalii o Iona; uso o Simona Peteru, atonu e laitiiti.
Faifaiva ma Peteru.
Soo o Ioane le Papatiso.
Na aumaia Peteru e feiloai ia Iesu.
O se tasi o uluai tagata na valaauina e avea ma se soo.
Iakopo
Sa faatasi o ia ma Ioane ma lo la tamā i le matafaga ina ua valaauina i laua e Iesu.
Atalii o Sepetaio; uso o Ioane.
Na faaigoaina o Poaneki, po o “tagata o faititili,” faatasi ai ma Ioane.
Sa ole atu lona tina ia Iesu ia maua e ona atalii ni nofoa i Lona malo.
O se tasi o le toatolu na iai i le faatuina mai o le afafine o Iairo, Mauga o Liua, ma Ketesemane.
Ioane
Na faaigoaina o ia ma lona uso o Poaneki po o “tagata o faititili.”
Atalii o Sepetaio; uso o Iakopo.
E masani ona ta’ua “ua Alofaina”; ua ta’ua o ia lava “o le soo ua alofaina e Iesu.”
O se faifaiva i le popofou o le olaga.
Sa tausia le tina o le Faaola, o Maria, ina ua mavae le maliu o Iesu.
O se tasi o le toatolu na i ai i le faatuina mai o le afafine o Iairo, Mauga o Liua, ma Ketesemane.
Filipo
O Petesaita.
Na faailoaina atu Natanielu ia Iesu.
Natanielu
Uo a Filipo.
O Kana i Kalilaia.
E talitonu o igoa o Patolomaio ma Natanielu e faasino i le tagata lava e tasi.
Toma
Sa ta’ua foi o Titumo.
O Titumo ma Tomasi o lona uiga o le “masaga.”
Sa ta’ua o “Toma masalosalo” ona sa le talitonu o ia i le Toetu o Iesu sei vagana ua ia vaai ia te Ia.
Mataio
Ua ta’ua foi o Levi.
Atalii o le Alefaio.
Sa ia aoina lafoga mo Roma mai ona uso a Iutaia i Kapanaumi, lea na le lauiloa ai o ia i tagata Iutaia.
Ina ua uma lona valaauga, sa ia faia se tausamiga ma telona (ao lafoga) ma isi, lea na auai atu i ai Iesu.
Tusitala o le Evagelia a Mataio.
Iakopo
E foliga mai o se uso o Mataio.
Atalii o Alefaio.
Iuta
O nisi taimi na ta’ua o Iuta le Selote po o Iuta Tataio.
Simona
Sa faaigoa foi ia Simona le Kanana po o Simona le Selote, poo o Selote.
O Selote o ni Iutaia na naunau tele mo le tulafono. Sa latou teena tagata Roma po o soo se pule mai fafo ma saili e tutuliese le Malo o Roma mai le Nuu Paia.
Atonu sa mafuta o ia ma lenei vaega pe atonu foi sa i ai se naunautaiga tele mo Iesu Keriso ma Lana talalelei.
Iuta
Atonu e mai Kiriota i Iuta i saute ma sa na ona pau lea o le Aposetolo e le o se Kalilaia.
Teutupe atofaina i le au soo.
Faalataina le Faaola mo tupe siliva e 30.