Ou Te Mafaia Mea Uma ia Keriso

Ua faasoa mai e le autalavou le ala na faamalosia ai e Keriso i latou e faia mea faigata (tagai Filipi 4:13).

Faalagolago i le Alii i Taimi Taufaafefe

Ia Tesema 2021 sa i ai se afi tele na lata ane i lo’u fale. Sa tapili e le savili le afi, ma sa le mafai ai ona ona taulimaina. Sa sasao atu i tuaoi ma faleoloa.

Ina ua faatoa faalogo lo matou aiga e uiga i le afi, sa matou i ai i le nofoaga autu mo tagata asiasi i le malumalu. Sa matou tatalo ma tatalo ina ia saogalemu a matou uo ma aiga.

Sa matou matua manaomia lava le faalagolago i le Alii. Na aumaia ia te au le filemu ma le mafanafana e iloa ai afai matou te faatuatuaina o Ia, o le a mafai ona lelei mea uma mo i matou, e tusa lava po o le a le mea na tupu. I lena po, sa to’a ai le savili ma mafai ai e fuimu ona tineia le afi.

Sa saogalemu lo matou fale, e ui ina sa faaleagaina taulaga na lata ane. Ou te iloa o le a sologa lelei mea uma mo na tagata lelei uma o e ua leai ni o latou fale. O le a fesoasoani le Alii ia i latou.

Sa mafai ona ou lagona le alofa o le Alii mo au ma Ana fanau uma. O le faalagolago i le alofa o le Alii o se mea ofoofogia. Tuu oe lava i Ona aao, ma e tele faamanuiaga o le a oo mai ia te oe.

Corgan W., Colorado, ISA