2023
Pe a Faigata le Galue i Sini
Fepuari 2023

“Pe a Faigata le Galue i Sini,” Mo le Malosi o le Autalavou, Fep. 2023.

Pe a Faigata leGalue i Sini

Saunia e Kelsey L. Fackrell ma Jessica Z. Strong

Mekasini a le Ekalesia

Afai e te setiina ni sini ona e le ausia lea, o lenei tusiga e mo oe.

Na e faatuina se sini e amata ai le tausaga fou ma lagona le faaosofia tele e fai ”mo se aso e tasi? Ona oo mai lea o le aso 3 o Ianuari ma ua leai. O lau sini ua i fafo o le faitotoa. E sili ona faatali seia oo i le tausaga a sau e toe amata ai. [Faamatalaga faaopopo: Aua le popole. Ua tatou oo uma lava i ai.] O nisi nei o fautuaga e fesoasoani ia te oe e pipii ai i au sini!

Taiala o le Faatutuina o Sini

  • tagata o loo tatalo

    Ata na tusia e Bárbara Tamilin

    Tatalo e uiga i mea e taulai i ai. E silafia e le Tama Faalelagi le ala e tatau ona e faaleleia ai. Liliu Atu ia te Ia! Mafaufau i mea o le a Ia finagalo ai mo oe, ma gauai atu i mafaufauga po o uunaiga e oo mai i lou mafaufau.

  • siepi fatu

    Filifili ni sini e te fiafia i ai. Galue i se mea e te fiafia i ai, pe faataitai se mea fou. Po o le a lava, ae ia filifili se mea e foliga mai e manaia!

  • Faatulaga ni sini patino .

    • Sini e le manaia tele: Ia lelei atili i le pasiketipolo.

    • Sini sili atu: Faataitai ni togi-fua se 1,000 i le faaiuga o le masina.

  • tamaitai talavou ma se laupapa kilipa

    Fai se fuafuaga.

    • Faataitaiga: O le a ou togiina ni togi fua mo le 30 minute i Aso Gafua, Aso Lulu, ma Aso Faraile pe a tuua le aoga. [Faamatalaga faaopopo: O le filifilia o se taimi e sili atu nai lo le na o le “pe a maua so’u taimi,” aua e moni lava—atonu e te le faaaluina le taimi sei vagana ua e faaavanoaina le taimi.]

  • Manulauti o le polokalama a Tamaiti ma le Autalavou

    Tuputupu ae faaleagaga, faaleagafesootai, faaletino, ma faaleatamai. Siaki manatu mo sini i le tusitaiala a le autalavou po o childrenandyouth.ChurchofJesusChrist.org.

  • Faailoa lau aisea. [Faamatalaga faaopopo: “Ona sa ta’u mai e lo’u tina ia te a’u” atonu o le a le faaosofia tele ai oe.] Aisea ua e manao ai e te galue i lenei sini? Pe e fesoasoani ia te oe ia avea atili ai e faapei o le Faaola? Pe o le a fesoasoani ia te oe ina ia avea ai ma tagata e te manao e avea ai oe?

O E Pisi Tele?

Atonu ua uma ona e faia ae e manaomia ona e faia pea lava pea: Ua uma ona e galue i le tele o mea i aso uma. Tusi nei loa se tasi o na mea ma le auala o le a e faaleleia ai. Ua aloaia nei le avea ai o se sini!

Mafaufau laitiiti: O le galue ai i sini e le manaomia ona faaalu ai ni taimi se tele. Atonu e amata i le tuuese o le 5 minute i le aso e galue ai i se mea. [Faamatalaga faaopopo: Talitonu mai i le mea lenei. O le a sili atu ona mafai ona e faia.]

Ua Faigata Tele Au Sini?

Ia onosai ia te oe lava. O le taumafai ma toilalo ma toe taumafai o se vaega o le olaga. Afai e te misia se aso, toe taumafai taeao. E te mafaia!

Tatalo mo se fesoasoani! E silafia e le Tama Faalelagi mea e tatau ona e faia ia ausia ai lau sini. Faalagolago ia te Ia.

Toe mafaufau i lau sini: Afai ua e setiina se sini e faigata tele, taumafai e seti se faasologa o ni sini laiti e fesoasoani ia te oe e te oo ai iina. [Faamatalaga faaopopo: Afai e te manao e faataitai ta le ukulele i aso uma, atonu e amata i le 15 minute nai lo se itula.]

Motugaafa o Sini

Manatu e fesoasoani ia te oe e ausia ai au sini

  • Faaaoga lau telefoni. Mataitu au sini e faaaoga ai se polokalama i lau telefoni e pei o le polokalama o le Gospel Living. E mafai foi ona e faataitai e sui le lau o lau telefoni po o le uputatala i le igoa o lau sini e fesoasoani ia te oe e manatua ai.

  • Faaaoga lau fa’ata. Faapipii au sini i le fā’ata o lou faletaele e fesoasoani e te manatua ai i taimi uma e fufulu ai ou nifo.

  • Faaaoga se fagu. A e galue i se sini faigata, tusi ni “manuia” laiti i luga o ni fasipepa po o ni fasilaau aisakulimi ma tuu i totonu o se fagu. Pe a e lotovaivai, faitau e uiga i mea na lelei ona fai.

  • Faasoa atu lau sini. Tau atu i se tasi le mea o loo e galue ai. Fai atu ia i latou e faamasinoina oe!