“O Lo’u Epikopo Ofoofogia,” Mo Le Malosi o le Autalavou, Fep. 2023.
O Lo’u Epikopo Ofoofogia
Ata na tusia e Kevin Fales
Ua fesoasoani lo’u epikopo ia te a’u e ala i le faamalosiauina o a’u ma tuuina mai ia te a’u avanoa e faamalosia ai a’u taleni.
I le iloaina sa ou taina le piano, sa ia fesili mai ia te au i se tasi aso pe ou te manao e aoao pe faapefea ona ta le okeni. Sa ou mafaufau lava i taimi uma o le a manaia le aoao, ae o lou epikopo o le tagata lea na uunaia moni lava au e amata. Sa ia fesoasoani ia te au e fesootai ma le ta okeni a le uarota ina ia mafai ona ia fesoasoani mai ia te au e amata, ma sa lelei lava! O taimi uma lava e vaai mai ai lou epikopo ia te au o faataitai, na te faamalo mai ia te au ma fesili mai e uiga i le isi taimi o le a ou ta ai i le sauniga faamanatuga.
Ou te iloa e silafia e lo’u epikopo lo’u gafatia, ma ou te faafetai mo lana faamalosiauga faifai pea. Ua Ia fesoasoani ia te au e aoao ma tuputupu ae i auala semanu e le mafai ona ou faia na o au.
Aubrey B., Kalefonia, ISA
Sa amata ona ou iloa lo’u epikopo fou ina ua ia fai mai, “Sa e fai mai o loo lelei mea uma, ae e i ai se mea e foliga mai o loo faaletonu.”
Sa ou faamatala atu sa tuai i taimi uma a’u meaaoga. Sa ou faanoanoa, tuuatoatasi, ma tauivi ma le atuatuvale faaagafesootai.
“Ua e faafaigataina mo oe lava,” o lana tala lea. Sa ia aoaoina au e uiga i le Togiola a Iesu Keriso ma le onosai ma le alofa mutimutivale o le Faaola. Sa ia fautua mai foi ou te talanoa i o’u matua ma mafaufau i le ono faia o ni togafitiga.
Sa amata ona ou asiasi i se fomai faapitoa. E lei foia ai mea uma i le taimi lava lena. Ae ona o lo’u epikopo alofa, sa ou maua ai le fesoasoani na ou manaomia.
Brenna H., Iuta, ISA