“O Taleni,” Mo Le Malosi o le Autalavou, Fep. 2023.
O Faataotoa le Faaola
O Taleni
O le a le faataoto?
Ua tuuina atu e se alii i ana auauna e toatolu ni taleni, po o ni tupe, e tusa ma o latou tomai.
O le tasi auauna e lima taleni, o le isi e lua taleni, ae o le mulimuli e tasi le taleni.
Sa faaaoga e le auauna e lima taleni ana taleni ina ia maua ai se polofiti, ma faaluaina ana taleni.
O le auauna e lua taleni na faaluaina foi ana taleni.
Ae o le auauna na mauaina le taleni e tasi sa matuai fefe lava ne’i leiloa o lea na ia natia ai le tupe ma sa lei galue ai e maua nisi taleni. O le alii na tuuina atu le tupe sa le fiafia i le auauna lea sa lei taumafai lava.
O le a lona uiga?
Ua tuuina mai e le Alii ia i tatou ni taleni (meaalofa po o tomai), ia e mafai ona faamanuiaina ai o tatou olaga ma olaga o isi. E finagalo o Ia ia tatou faaleleia ma faateleina a tatou taleni. Afai tatou te le galulue ia lelei atili ma maua nisi taleni, atonu o le a leiloloa ia taleni na tuuina mai ia i tatou. Ae afai tatou te atiina ae ma le faamaoni ia meaalofa ma tomai ua tuuina mai e le Alii ia i tatou, o le a avea atili i tatou e faapei o Ia ma iloa lo tatou gafatia paia.