2023
O le a le uiga o le fetalaiga a Iesu ina ua Ia fetalai, “Ia atoatoa ona lelei o la outou amio”?
Fepuari 2023

“O le a le uiga o le fetalaiga a Iesu ina ua Ia fetalai, ‘Ia atoatoa ona lelei o la outou amio’?,” Mo le Malosi o le Autalavou, Fep. 2023.

Tuusao i le Mataupu

O le a le uiga o le fetalaiga a Iesu ina ua Ia fetalai, “Ia atoatoa ona lelei o la outou amio”?

O Iesu Keriso ma le tamaitiiti

Na fetalai le Faaola, “O lenei, ia atoatoa ona lelei o la outou amio, e pei o lo outou Tamā o i le lagi e atoatoa ona lelei o ia” (Mataio 5:48). E le o se valaaulia lenei ia faia mea uma i le atoatoa. O se valaaulia ia malamalama atili i le fuafuaga a le Tama Faalelagi ma mulimuli ia te Ia.

I le Feagaiga Fou, o le upu Eleni mo le atoatoa o lona uiga o le mae’a, atoa, po o le atiaeina atoatoa, ua ausia se sini faaiu. Ua valaaulia i tatou e Iesu Keriso e tauivi mo lena ituaiga o atoatoa. Ma e na o Ia lava e mafai ona fesoasoani ia i tatou ia ausia—i le iuga.

E finagalo lo tatou Tama oi le Lagi ia tatou maua le atoatoa faaletino ma le faaleagaga o loo ia te Ia. Ona mafai lea ona tatou maua se atoatoaga o le olioli e pei o Ia. E ala i le Toetu a Iesu Keriso ma le taulaga togiola, e mafai ai ona faaatoatoaina i tatou—i le iuga.

Ua silafia e le Tama Faalelagi e le mafai ona tatou atoatoa i lenei olaga. Ae i Lana fuafuaga, e mafai ona tatou filifili ia faatuatua ia Iesu Keriso, osia feagaiga, taumafai e tausi poloaiga a le Atua, ma salamo i soo se taimi lava tatou te tautevateva ai. Ona mafai lea ona Ia faamanuiaina i tatou i lenei olaga ma—mulimuli ane, pe a mavae lenei olaga—ona faaatoatoaina lea o i tatou.