Rolando B.

15, Dennehotso (Navajo: Deinihootso), Arisona, ISA

Ou te fiafia e tuuatoatasi. Ou te fiafia i le mau o faapea mai, “Ina soia, ma ia outou iloa o aʼu lava o le Atua” (Salamo 46:10). E leai se isi nofoaga e sili atu e filemu ai nai lo le toafa. O mea uma iinei e talanoa e uiga ia te Ia. Na ta’u atu e le Atua ia Atamu, “Ua foafoaina mea uma ma faia e molimau ia te a’u” (Mose 6:63). O le toafa o se nofoaga lea e mafai ona e vaai ai i le lagi, ma lagona ai le lalolagi, ma iloa ai o le Atua o le Atua.

E lua fale o lo’u aiga. O le tasi o loo i le aai. A e alu i fafo o le faitotoa iina, e i ai se tuaoi. Ae o iinei i le toafa, e te alu i fafo o le faitotoa ma o le tuaoi aupito lata ane atonu e 200 iata (183 mita) le mamao pe sili atu foi.

Ou te fiafia i le le faalauaiteleina aua e fesoasoani ia te au e talisapaia ai le natura. Matou te nonofo i le toafa, ae o loo maua uma a matou punaoa—laau, laau toto, e oo lava i vai mama. Pau lava le mea o lo’u iloa o le auala e maua ai. O le toatele o tagata e le mafaufau tele i ai, ae o na mea o se vaega taua o le olaga. E tatau ona tatou faaaloalo i le foafoaga, ma e tatau ona tatou faaaloalo i le Foafoa.

Na foafoaina e le Atua nei mea uma. Ma ua tatou auauna atu i se faamoemoega i Lana foafoaga.