“Afai e le o fai mai le taiala Mo le Malosi o le Autalavou e aua le faia se mea, o lona uiga e le afaina?,” Mo le Malosi o le Autalavou, Iuni 2023.
Tuusa‘o i le Mataupu
Afai e le o fai mai le taiala Mo le Malosi o le Autalavou e aua le faia se mea, o lona uiga e le afaina?
O le faamoemoega o le taiala Mo le Malosi o le Autalavou “e le o le tuuina atu ia te oe o se ‘ioe’ po o le ‘leai’ e uiga i filifiliga uma e ono feagai ma oe. Ae, o loo valaauliaina outou e le Alii ia ola i se ala maualuga atu ma paia atu—o Lana ala” (Mo le Malosi o le Autalavou: O Se Taiala mo le Faia o Filifiliga [2022], 4–5).
Na saunoa Elder Dieter F. Uchtdorf o le Korama a Aposetolo e Toasefululua e uiga i le taiala: “O Iesu Keriso e maualuga tele ona tulaga faatonuina mo Ona soo. …
“ … E lē o fetalai mai le Alii, ‘Fai soo se mea e te manao i ai.’
“O loo Ia fetalai mai, ‘Ia faamuamua le Atua.”1
Afai e le o fai mai sa’o le taiala Mo le Malosi o le Autalavou e aua le faia se mea, e le faapea ai la e tatau ona otometi ona e manatu e le afaina le faia. Mafaufau ese. I soo se fesili, mafaufau e uiga i upumoni ua faaalia mai e le Alii e faatatau i lena fesili. A o e aoao e uiga i nei upumoni e faavavau, saili e faaaoga i au filifiliga ma ole atu i le taitaiga a le Tama Faalelagi. Ona Ia faamanuiaina lea o oe.