O Le Auala Matou te Tapuai Ai

I Phnom Penh, Kemupotia

Phnom Penh, Kemupotia

Ata pu‘e mai le Getty Images

Talofa! O lo‘u igoa o Mery V.

tamaitai talavou

Ua 16 ou tausaga, ma ou te nofo i Phnom Penh, le laumua o Kemupotia. Ou te fiafia e taalo ma au uo i taaloga, ma ou te fiafia e aoao ni mea fou.

faafanua o Asia Sautesasae

Sa masani ona ou faatusatusaina a’u lava i isi tagata o e sa ou manatu sa sili atu le lelei i le olaga nai lo a’u, aemaise lava tagata e lelei a latou tulaga tautupe. Peitai, a o ou tatalo i le Tama Faalelagi, sa Ia tuuina mai ia te au le lototele.

Malumalu o Phnom Penh Kemupotia

Ua Ia Saunia le Ala

Ua ou aoaoina e tusa lava po o a o’u luitau, o le a i ai pea le Atua iina faatasi ma a’u ma fesoasoani mai ia te a’u. Ou te iloa Na te lei tuuina mai ia i tatou se poloaiga sei vagana ua Ia saunia le ala mo i tatou e faataunuuina ai (tagai i le 1 Nifae 3:7).

O le mea e sili ona ou fiafia i ai e uiga i le avea ma se tagata O Le Ekalesia a Iesu Keriso o le Au Paia o Aso e Gata Ai ona ou te talitonu o le a mafai ona ou toe nofo i le lagi faatasi ma lo’u aiga pe a mavae le oti. E i ai so’u aiga fiafia, o i latou o se faataitaiga lelei i tagata o siomia i latou. Latou te foai tele atu i lo latou alolofa ma fesoasoani ia te au ia malosi atili.

aiga

E Aumai e le Tatalo le Lototele

O le avea ma se tagata o le Ekalesia e le faigata ia te au aua o lo’u faatuatua i le Atua e fesoasoani ia te au ia ou mautinoa ma maua se olaga sili atu. Ou te fiafia lava i taeao o Aso Sa aua e mafai ona matou o ma lo’u aiga i le lotu. E masani ona matou faitauina tusitusiga paia a o lei momoe, ma o nisi taimi matou te aoao ai mai le Sau, Mulimuli Mai ia te A’u.

O le malumalu muamua i Kemupotia na fofogaina mai i le 2018. O loo fausiaina i le taimi nei ma o le a i ai i Phnom Penh.

E tautala Mery i le gagana Khmer, o se tasi o gagana autu e 12 e faaaoga i Kemupotia.

E tusa ma le 15,600 tagata o le Ekalesia i Kemupotia, ma siteki e lua e i ai uarota e 10 ma paranesi e 18.

E tasi le misiona i Kemupotia.

O le volipolo o le taaloga aupito lauiloa lea i Kemupotia. O se taaloga e ta’ua o le sepak takraw, po o le volipolo kiki, e lauiloa foi.

Ua lauiloa Kemupotia i ona malumalu teuteuina o le Lotu Puta. E tusa ma le 4,000 e i ai i le atunuu atoa!

Ta’u Mai ia i Matou pe Faapefea Ona Outou Tapuai

Matou te fia faalogo i le ala e te tapuai ai i le mea o loo e nofo ai. Auina mai se faamatalaga puupuu o lou nofoaga, o mea e te faia i le Sapati, o au gaoioiga e te fiafia i ai, po o se isi lava mea e mafai ona e mafaufau i ai. Meli mai i le [e-mail].