Lolanitō B.

15, Tenihotisō (Navaho: Teinihotisō), ʻAlesona, USA

Kou saiʻia ʻi he nofo toko tahá. ʻOu ou saiʻia ʻi he potufolofola ʻoku pehē, “Mou longo pē, pea ʻilo ko aú ko e ʻOtua” (Saame 46:10). ʻOku ʻikai ha feituʻu maʻongoʻonga ange ke fakalongo ai ka ko e toafá. ʻOku fakamatala ʻa e meʻa kotoa pē ʻi hení kiate Ia. Naʻe folofola ʻa e ʻOtuá kia ʻĀtama, “Kuo fakatupu mo ngaohi ʻa e ngaahi meʻa kotoa pē ke fakamoʻoniʻi au” (Mōsese 6:63). Ko e toafá ko ha feituʻu ia te ke lava ʻo mamata ai ki he langí, mo ongoʻi ʻa e māmaní, mo ʻiloʻi ko e ʻOtuá ʻa e ʻOtuá.

ʻOku ʻi ai ha ʻapi ʻe ua hoku fāmilí. Ko e taha ʻoku ʻi he koló. ʻI hoʻo hū ki tuʻa he matapaá, ʻoku ʻi ai ha kaungāʻapi. Ka ʻi he toafá, ʻokú ke hū ki tuʻa he matapaá pea mahalo ko e kaungāʻapi ofi tahá ʻoku ʻiate ia ha ʻiate ʻe 200 (mita ʻe 183) pe lahi ange hono mamaʻó.

ʻOku ou saiʻia ʻi he tauʻatāina fakafoʻituitui koeʻuhí he ʻokú ne tokoniʻi au ke u houngaʻia ʻi natula. ʻOku mau nofo ʻi he toafá, ka ʻoku maʻu kotoa ʻemau ngaahi maʻuʻanga tokoní—ʻa e ʻuluʻakaú, ʻakaú, naʻa mo e vai foʻoú. Ko e meʻá pē ke ke ʻiloʻi e feituʻu ke maʻu ai kinautolú. ʻOku tokolahi ha kakai ʻoku ʻikai ke nau faʻa fakakaukau ki ai, ka ko e ngaahi meʻa ko iá ko ha konga mahuʻinga ia ʻo e moʻuí. ʻOku totonu ke tau fakaʻapaʻapaʻi ʻa e fakatupú, pea ʻoku totonu ke tau fakaʻapaʻapaʻi ʻa e Tupuʻangá.

Naʻe fakatupu kotoa ʻeni ʻe he ʻOtuá. Pea ʻoku tau fakahoko ha taumuʻa ʻi Heʻene fakatupú.