“Kapau ʻoku ʻikai ʻasi ʻi he tohi fakahinohino Ki Hono Fakamālohia ʻo e Toʻu Tupú ke ʻoua naʻá ke fai ha meʻa, ʻoku ʻuhinga nai ia ʻoku SAI PĒ?,” Ki Hono Fakamālohia ʻo e Toʻu Tupú, Sune 2023.
ʻAi Hangatonu
Kapau ʻoku ʻikai ʻasi ʻi he tohi fakahinohino Ki Hono Fakamālohia ʻo e Toʻu Tupú ke ʻoua ʻe fai ha meʻa, ʻoku ʻuhinga nai ia ʻoku SAI PĒ IA?
ʻOku ʻikai ko e taumuʻa ʻo e tohi fakahinohino Ki Hono Fakamālohia ʻo e Toʻu Tupú ke ʻoatu ha tali ʻʻioʼ pe ʻʻikaiʼ ki he fili kotoa pē te mou ala fehangahangai mo iá. Ka ʻoku fakaafeʻi koe ʻe he ʻEikí ke ke moʻui ʻi ha founga māʻolunga mo māʻoniʻoni ange—ʻa ʻEne foungá” (Ki Hono Fakamālohia ʻo e Toʻu Tupú: Ko ha Fakahinohino ki Hono Fai ʻo e Ngaahi Filí [2022], 4–5).
Naʻe lea ʻa ʻEletā Tieta F. ʻUkitofa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo kau ki he fakahinohinó ʻo pehē: “ʻOku maʻu ʻe Sīsū Kalaisi ha ngaahi tuʻunga moʻui māʻolunga ʻaupito maʻa Hono kau muimuí. …
“…ʻOku ʻikai ke folofola mai e ʻEikí, ‘Fai ha meʻa pē ʻokú ke loto ki aí.’
“ʻOkú Ne folofola mai, ‘Tuku ke lāngilangiʻia ʻa e ʻOtuá.”1
Kapau ʻoku ʻikai fakamatala hangatonu mai ʻe he tohi fakahinohino Ki Hono Fakamālohia ʻo e Toʻu Tupú ʻo pehē ke ʻoua naʻá ke fai ha meʻa, ʻoku ʻikai ʻuhinga ia ʻoku totonu ke ke pehē ʻoku SAI PĒ ke ke fai ia. ʻAi ke kehe hoʻo fakakaukaú. Fakakaukau ki ha faʻahinga fehuʻi pē ki he ngaahi moʻoni kuo fakahā ʻe he ʻEikí ʻoku fekauʻaki mo e fehuʻi ko iá. ʻI hoʻo ako fekauʻaki mo e ngaahi moʻoni taʻengata ko ʻení, feinga ke fakaʻaongaʻi kinautolu ʻi hoʻo ngaahi filí pea kolea e fakahinohino ʻa e Tamai Hēvaní. Pea te Ne tāpuakiʻi leva koe.