“Ketisemani,” Ki Hono Fakamālohia ʻo e Toʻu Tupú, ʻEpeleli 2023.
Ngaahi feituʻu mei he Folofolá
Ketisemani
Ako lahi ange fekauʻaki mo e feituʻu naʻe kamata ai e mamahi ʻa e Fakamoʻuí maʻatautolú.
ʻOku Tuʻu Ia ʻI Fē?
ʻI he tahifo ʻo e Moʻunga ʻŌlivé, ʻi he fakahahake ʻo Selusalemá.
Mape ʻo Selusalemá tā fakatātaaʻi ʻe Jim Madsen
Ko e Hā Naʻe ʻI Aí?
Ko ha vao ʻōlive pea mahalo mo ha tatauʻanga ʻōlive ke maʻu ai ha lolo mei he ʻōlivé.
Ko e Hā Naʻe Hoko Hení?
Hili e ʻOhomohe Fakaʻosí, naʻe hāʻele ʻa Sīsū Kalaisi mo e toko hongofulu mā taha ʻo ʻEne Kau ʻAposetoló ki Ketisemani. Naʻá Ne hāʻele leva ki he tafaʻakí ke lotu pea ʻave ʻa Pita, Sēmisi, mo Sione pea mo Ia.
Naʻá Ne “kamata ilifia lahi, mo mafasia lahi ʻaupito.” Naʻá Ne folofola, “ʻOku mamahi lahi ʻaupito ʻo hangē ka maté hoku laumālié” (Maʻake 14:33–34).
Naʻá Ne lotu, “ʻE Tamai, kapau ko ho finangaló, ʻave ʻa e ipú ni ʻiate au: kae ʻoua naʻa fai hoku lotó, ka ko e finangalo ʻoʻoú.
“Pea naʻe fakahā mai ʻa e ʻāngelo mei he langí kiate ia, ʻo ne fakamālohi ia.
“Pea moʻua ia ʻi he mamahi lahi, pea ʻāsili ai ʻene lotu fakamātoató: pea ko ʻene tautaʻá ko e taʻataʻa naʻe tō ʻi he tulutā lalahi ki he kelekelé” (Luke 22:42–44).
Hili e mamahi lahi ko ʻeni ʻa e Fakamoʻuí, naʻe lavakiʻi Ia ʻe Siutasi pea puke pōpula ʻe he kau ʻōfisa Siú mo ha kau sōtia Loma.
Ketisemani, tā fakatātā ʻa Michael Malm