Aura K.

16, Naerobi, Kenya

Pikja

wan yang woman

Foto i stap kam long Benson Arudo

Mi lavem blong beik. Mi lavem ol smael we i stap kamaot from beiking. Evriwan i laekem ol naes swit kaekae. Wan taem mama blong mi i lego evri ingridien blong mekem banana bred long kijin, be hem i no filim blong mekem.

Mi disaed blong beikem banana bred ia blong hem. I no longtaem mi faenemaot se banana bred ia i no blong hem. Be, hem i bin stap rere long hem blong givim long ol studen blong hem Mama blong mi i hapi tumas se mi bin helpem hem long wei ia.

!Misinari wok i wan nara samting we mi laekem blong mekem! Sam long ol aktiviti blong Jos we mi bin laekem hem i taem mifala i bin stap givim ol kopi blong ol skripja mo singsing ol hym long ol pipol.

Wan nara taem, fren blong mi i bin luk mi stap ridim Liahona magasin mo hem i askem abaot Jos. Mi eksplenem long hem abaot fasin blong sakem sin mo Atonmen blong Jisas Kraes. Hem i bin intres fulap, mo mi bin givim wan kopi blong Liahona long hem.

Mi lavem blong serem gospel i go olbaot long ol nara wan, mekem se oli gat janis ia blong save moa abaot Papa long Heven.