“?Afta wanem sapos wan man i talem long mi se saens i pruvum rong samting we yumi biliv long hem?,” Blong Ol Yut Oli Kam Strong, Julae 2023.
Go Stret long Poen
?Afta wanem sapos wan man i talem long mi se saens i pruvum rong samting we yumi biliv long hem?
Presiden Russell M. Nelson i bin tijim: “God i stamba blong evri trutok. Jos Ia blong Jisas Kraes blong Ol Lata-dei Sent i akseptem evri trutok we God i givim long ol pikinini blong Hem, nomata se hem i lanem tru long saens lab o kasem tru long wan revelesen we i kam stret long Hem” (“?Wanem Hem I Tru Samting?” Oktoba 2022 jeneral konfrens [Liahona, Nov. 2022, 83]).
Sapos ol pipol oli talem se saens i go agensem wan trutok blong gospel, hemia ol samting blong tingbaot:
Yu mas save ol samting we oli tru. Faenemaot wanem saens i stanap long hem (mo wanem hem i no stanap long hem), mo tu, wanem we gospel blong Jisas Kraes we i kambak bakegen, i stanap long hem (mo wanem hem i no stanap long hem). Mekem i praeoriti blong stap stadi long ol skripja mo ol toktok blong profet.
Save long saed blong spirit hem i tru. Saens hem i wan fasin blong stap lanem ol trutok abaot wol raon long yumi. Be i gat sam trutok we God i givim long yumi tru long revelesen nomo. Yu save gat fet se Tabu Spirit “i talemaot ol samting olsem we oli rili stap” (Jekob 4:13).
Fet i nidim fasin blong save wet longtaem. Save long saed blong saens, oli stap jenisim ova long taem. Samtaem yumi jes nidim blong wet long saens blong i kasem trutok we i no save finis we i kam tru long revelesen. Yumi save hang strong long ol bigbigfala trutok long saed blong spirit mo wet long ol smosmol ditel blong kasem ol trutok ia.