“?Olsem wanem mi save stap olsem wan eksampol long ol memba blong famli we oli gat hadtaem blong stap laef folem ol tijing blong Jisas Kraes?” Blong Ol Yut Oli Kam Strong, Julae 2023.
Ol Kwestin mo Ol Ansa
“?Olsem wanem mi save stap olsem wan eksampol long ol memba blong famli we oli gat hadtaem blong stap laef folem ol tijing blong Jisas Kraes?”
Soem, Givim Seves, mo Serem
“Soem long famli blong yu olsem wanem fasin blong stap laef folem gospel i mekem yu hapi. Yu save givim seves long olgeta mo serem ol eksperiens blong yu long olgeta. Yu save invaetem ol misinari tu blong gat wan famli haos naet long hom blong yu.
Luciana M., 18 yia, Mendosa, Ajentina
Lukaotem blong Andastanem
“Sam long ol memba blong famli blong mi oli bin mekem sam samting we oli no folem ol standet blong God. Traem blong andastanem ol risen blong olgeta, from wanem oli bin mekem ol samting ia. Hem i no minim se yu yu risen from wanem oli stap mekem ol samting ia. Be wanem i moa impoten i blong lavem olgeta nomata wanem oli mekem o talem.”
Melody E., 13 yia, Teksas, YSA
Folem Sevya
“Oltaem mi traem blong stap olsem wan eksampol long famli blong mi taem mi tokbaot ol tijing blong Jos. Oltaem mi traem blong soem Kraes tru long miwan. Mi save se sapos mi folem Hem, bae mi save stap olsem wan gud eksampol long famli blong mi mo help blong karem laet blong Kraes i kam insaed long laef blong olgeta.”
Adalia C., 19 yia, Rio Grande do Sul, Brasil
Plei Ol Miusik We I Leftemap Tingting
“Mi stap raon long gudfala media we i karem Spirit i kam insaed long hom blong mi. Blong stap plei wan hym long piano, i helpem mi blong filim glad iven taem ol memba blong famli blong mi oli gat hadtaem. Gohed long dipen long Sevya from glad mo pis, iven taem olgeta raon long yu oli no mekem.”
Lauren B., 14 yia, Merilan, YSA
Lavem Olgeta
“Yu no save jenisim ol joes blong ol memba blong famli blong yu semmak olsem we olgeta i no save jenisim ol joes blong yu, be yu save lavem olgeta oltaem. Kraes i bin soem fulap lav long ol pipol we oli no bin agri o iven laekem Hem. Evriwan i wan pikinini blong God, mo tru long lav blong yu, oli save filim lav blong Papa long Heven.”
Brooklyn D., 17 yia, Yuta, YSA
Lukaotem blong Lukluk olsem we Kraes I Luk
“Blong gat lav olsem Kraes mo traem blong luk bitim ol samting we oli no strong long hem, i save helpem yumi blong andastanem wanem oli stap go tru long hem. Jisas Kraes i andastanem wanwan long yumi stret evriwan. Mo taem yumi stat blong luk mo helpem ol narawan olsem we Hem i mekem, sapos yumi askem Hem blong lidim yumi.”
John K., 17 yia, Indiana, YSA
No Jajem Man
“Mi stap lanem blong lavem olgeta, blong stap kaen long olgeta, mo no jajem olgeta.”
Logan C., 18 yia, Yuta, YSA