ʻAla K.

16, Nailopi, Keniā

ʻĪmisi

finemui

Faitā ʻa Benson Arudo

ʻOku ou manako ke taʻo meʻa. ʻOku ou saiʻia ʻi he fiefia ʻoku hā mai mei he taʻo meʻá. ʻOku saiʻia ʻa e taha kotoa ʻi he fanga kiʻi fakaneifua leleí. ʻI ha taimi ʻe taha naʻe tuku ai ʻe heʻeku faʻeé ʻa e ʻū meʻa kotoa pē ke ngaohi ʻaki e mā siainé ʻi peito, ka naʻe ʻikai ke ne hanganaki fiefia atu ke ngaohi ia.

Naʻá ku fakakaukau ke u taʻo e mā siainé maʻana. Naʻe ʻikai fuoloa kuó u ʻiloʻi naʻe ʻikai fakataumuʻa e foʻi mā siainé ia maʻana. Ka naʻá ne ngaohi ia ke foaki ki heʻene fānau akó. Naʻe fiefia ʻaupito ʻeku faʻeé ʻi heʻeku tokoniʻi ia ʻi he founga ko iá.

Ko e ngāue fakafaifekaú ko ha meʻa ia ʻe taha ʻoku ou saiʻia ke fakahoko! Ko e niʻihi ʻo e ngaahi ʻekitivitī ʻa e Siasí kuó u fiefia aí ko hono tufa ki he kakaí ha ʻū tatau ʻo e folofolá mo hivaʻi ha ngaahi himi kiate kinautolu.

ʻI ha taimi ʻe taha naʻe ʻilo ai ʻe hoku kaungāmeʻá ʻeku lau e makasini Liahoná peá ne fehuʻi mai fekauʻaki mo e Siasí. Naʻá ku fakamatalaʻi ange kiate ia ʻa e fakatomalá mo e Fakalelei ʻa Sīsū Kalaisí. Naʻá ne fuʻu mālieʻia ʻaupito ai, pea naʻá ku foaki ange maʻana ʻa e tatau ko ia ʻo e Liahoná.

ʻOku ou saiʻia ke fakamafola ʻa e ongoongoleleí ki he niʻihi kehé koeʻuhí ke nau maʻu ʻa e faingamālie ke ʻilo lahi ange fekauʻaki mo e Tamai Hēvaní.