“ʻA e Kuonga ʻo e Liliú,” Ki Hono Fakamālohia ʻo e Toʻu Tupú, Siulai 2023.
ʻOtu Lea ki he ʻOtu Lea
ʻA e Kuonga ʻo e Liliú
Ako ki he meʻa naʻe tala ʻe he ʻAposetolo ko Pitá ki he kakaí fekauʻaki mo hono Fakafoki Mai ʻo e Ongoongoleleí.
ʻUluaki Mata-Meʻa-Hā-Maí, tā fakatātaaʻi ʻe Walter Rane
ngaahi ʻaho ʻo e fakamoʻuí
Ko e “ngaahi ʻaho ʻo e fakamoʻuí” naʻe talanoa ki ai ʻa Pitá ko e taimi ia ʻe toe hāʻele mai ai ʻa Sīsū Kalaisí. Hili e Hāʻele ʻAnga Ua Maí, “ʻe fakafoʻou ʻa e māmaní ʻo maʻu ʻe ia ʻa hono nāunau fakapalataisí” (Ngaahi Tefito ʻo e Tuí 1:10).
ʻa e kuonga ʻo e liliu ʻo e meʻa kotoa pē
ʻOku ʻuhinga ʻa e “kuonga ʻo e liliu ʻo e meʻa kotoa pē” ki he taimi ʻe fakahoko ai ʻa hono Fakafoki Mai ʻo e ongoongoleleí. ʻOku kau ʻi he taimi ko iá ʻa e ngaahi ʻaho kimui ní (ʻa hotau kuongá!) pea mo e taimi ʻe toe hāʻele mai ai ʻa Sīsū Kalaisí.
ʻOku ʻuhinga ʻa e Fakafoki Maí ke toe ʻomi pe fakafoki mai. Naʻe kamata hono Fakafoki Mai ʻo e ongoongoleleí ʻi he faʻahitaʻu failau ʻo e 1820, ʻi he taimi naʻe hā ai ʻa e Tamai Hēvaní mo Sīsū Kalaisi ki he Palōfita ko Siosefa Sāmitá. Ko e taimi ia naʻe kamata ke fakafoki mai ai ha ngaahi meʻa lahi ki he māmaní, kau ai e ngaahi moʻoni haohaoa ʻo Sīsū Kalaisí, mafai ʻo e lakanga fakataulaʻeikí, mo e Siasí.
kau palōfita māʻoniʻoni kotoa pē talu mei he ngaohi ʻa māmaní
Talu mei he kuonga muʻá mo e kikiteʻi ʻe he kau palōfitá ʻe hāʻele mai ʻa e ʻAlo ʻo e ʻOtuá, ʻa Sīsū Kalaisi, ki māmani pea te Ne hoko ko hotau Fakamoʻui. Naʻa nau toe kikiteʻi foki ʻe toe hāʻele mai ʻa Sīsū Kalaisi ko hono tuʻo uá.
Pea naʻe toe kikiteʻi foki ʻe he kau palōfitá ʻe kimuʻa pea toe hāʻele mai ʻa e Fakamoʻuí, te Ne fakafoki mai ʻEne ongoongoleleí mo Hono Siasí ki he māmaní. Ko e Fakafoki Mai ʻo e ongoongoleleí naʻe kikiteʻi ʻe he kau palōfitá, ʻoku lolotonga hoko ia ʻi hotau kuongá.