“Ko e Foha Maumau Koloá,” Ki Hono Fakamālohia ʻo e Toʻu Tupú, Siulai 2023.
Ko e Ngaahi Talanoa Fakatātā ʻa e Fakamoʻuí
Ko e Foha Maumau Koloá
ʻOku kole ʻe ha foha angatuʻu hono tofiʻá peá ne mavahe mei ʻapi.
ʻOkú ne fakamoleki e meʻa kotoa pē naʻe foaki ange ʻe heʻene tamaí ʻi he fakafiefia fakataimí.
ʻOku tō ha honge, ko ia ʻokú ne ngāue ke fafanga e fanga puaká.
ʻI ha ʻaho ʻe taha naʻá ne fakatokangaʻi ai te ne lava ʻo foki ki ʻapi ʻo kole tokoni.
ʻI heʻene foki ki ʻapí, ʻokú ne kole ke ne hoko ko ha sevāniti ki hono fāmilí, ʻo ʻikai tui ʻoku totonu ke toe tauhi ia ko ha foha ʻo ʻene tamaí.
Ka ʻoku fakamolemoleʻi ʻe he tamaí ʻa e foha maumau koloá pea tali ia ko hono foha, pea ʻoku fakafiefiaʻi ʻe he falé ʻa e foki mai ʻa e fohá.
Ko Hono ʻUhingá
ʻOku fakafofongaʻi kitautolu ʻe he foha maumau koloá ʻi he taimi ʻoku tau angatuʻu ai ki heʻetau Tamai Hēvaní. Ka ʻoku tatau ai pē pe ko e fē feituʻu kuo tau ʻalu ki aí pe meʻa kuo tau faí, ʻoku finangalo e Tamai Hēvaní ke tau foki ki ʻapi kiate Ia pea mo e ongoongolelei ʻo Sīsū Kalaisí.
ʻOku ʻikai fiemaʻu ia ke tau haohaoa. ʻOku fiemaʻu ke tau ongoʻi halaia mo loto-fakatōkilalo, haʻu kia Kalaisi, pea fakatomala. ʻE fakakofuʻi kitautolu ʻe he ʻOtuá ʻaki e nāunau pea fakahaaʻi mai hotau tuʻunga taau moʻoní.