“Ko Hono Maʻu ʻo ha ʻApi, ʻOfa, mo Ongoʻi ʻOku Kau Maí,” Ki Hono Fakamālohia ʻo e Toʻu Tupú, Siulai 2023.
Ngaahi Fakavaʻe Mālohí
Ko Hono Maʻu ʻo ha ʻApi, ʻOfa, mo Ongoʻi ʻOku Kau Maí
Tā fakatātā ʻa Jessica Parker
Naʻá ku taʻu ono ʻi he taimi naʻe pau ai ke u mavahe mei hoku fāmili totonú. Naʻe mātuʻaki fakamamahi mo fakailifia ia. Hili ha ngaahi māhina siʻi mei he hoko ʻa e meʻá ni, naʻá ku fuofua fanongo ai ʻo fekauʻaki mo Sīsū Kalaisi.
Naʻe kamata ke u ʻaʻahi ki ha fāmili naʻa nau hoko ko hoku fāmili ne nau tauhi fakataimi au. Naʻe tokolahi ʻena fānaú naʻa nau angaʻofa kiate au pea ʻofa ʻi he Fakamoʻuí. Naʻe fakaʻatā au ʻe hoku fāmili foʻoú ke u ʻalu mo kinautolu ki he lotú, pea naʻá ku ongoʻi malu mo fiefia ai.
Naʻe hili ha ngaahi taʻu ʻo ʻeku maʻulotú mo e lau folofolá pea toki mahino kiate au ʻa e ongoongoleleí, pea naʻá ku fuʻu fakaʻamu ke u papitaiso. Naʻá ku taʻu 12 ʻi he taimi naʻe fāifai pea ohi ai au ʻe hoku fāmili ne nau tauhi fakataimi aú, pea naʻe fakangofua au ke u papitaiso ʻo kapau te u loto ki ai!
ʻI hoku papitaisó, naʻá ku fai ʻeku fakamoʻoní peá u ongoʻi e ʻākilotoa au ʻe he ʻofa ʻa e ʻOtuá ʻaki ha mālohi lahi.
Kuo tokoniʻi au ʻe hono lau ʻo e Tohi ʻa Molomoná mo ako fekauʻaki mo Sīsuú ke u ʻiloʻi ʻoku ʻikai ke u tuenoa pea ko e fānau au ʻa e ʻOtuá. ʻOku aʻu ki he taimi ʻoku ʻikai tokamālie ai e ngaahi tūkungá ʻo tatau mo ʻeku fiemaʻú, ʻokú Ne ʻi ai maʻu pē ke tokoniʻi au.
Vaioleti B., Hauaiʻi, USA