“4 Wāween ko n̄an Rie Ro Jeram̧ ilo Baam̧le ko me Ewōr Uwaaer Rejjab Membōr,” N̄an Kōkajoorļo̧k Jodrikdrik Ro, Juļae 2023.
Mour Jipan̄
4 Wāween ko n̄an Rie Ro Jeram̧ ilo Baam̧le ko Rejjab Aolep Membōr
Kwomaron̄ jipan̄ aolep armej en̄jake iakwe im kea ilo m̧ōn jar eo jekdoon ta jekjek ko rej pād ie.
Baam̧le ko ilo aolep jekjek ko. Armej ro kwoj loe ilo m̧ōn jar eo, n̄ān waanjon̄o̧k, emaron̄ wōr ro uwaan baam̧le ko aer ro rejjab membōr in Kabun̄ in ak ro rekar kāālet n̄an etal jān Kabun̄ in. Ilo an ejjeļo̧k rie jān baam̧le, emaron̄ pen n̄an an armej kobatok ilo kabun̄ in, ak em̧ool bar en̄jake ruwainene.
Ijo in kwoj itok ie!
Kwomaron̄ kōm̧m̧ane juon eddo aorōk ilo kōjeram̧m̧an aolep kain jekjek in baam̧le ko, ilo aolep jekjek ko rej iooni. Erkein rej jet iaan wāween ko komaron̄ jipan̄:
Kōmeļeļe ko jān Oksana Grivina
Jar kōn Wāween ko n̄an Jipan̄
Jar n̄an jeļā wāween am̧ maron̄ jipan̄ jim̧or ro rej itok im jar im baam̧le ko aer. Kanooj lale n̄an jerbal ioon uwaak ko kwōj būki.
Jeļā Kajjien Baam̧le eo
Eļan̄n̄e emaron̄, kajjeon̄ jeļā kajjien aolepen baam̧le eo an eo m̧ōttam̧. Menin enaaj jipan̄ eok jeļā ta eo ej rie ro m̧ōttam̧ rej būki ilo m̧ōko m̧ōer im ta eo ej kōm̧m̧ane menin an apan̄ n̄an an bōk koņaan ilo m̧ōn jar eo. Ilo am̧ kajjeon̄ jeļā kajjien baam̧le eo, kwomaron̄ bōk im̧we n̄ān jipan̄ ilo jejjōt in jekjek ko me remenin aikuj.
Kanoojin Lale n̄an Mour kōn Gospel eo Aolep Iien
Elōn̄ armej ro rej ikdeelel ilo Kabun̄ in n̄e rej loe an membōr ro mour kōn ta eo rej tōmak. Kwojjāmin jeļā wōn ej lale. Kwomaron̄ kadedeļo̧k elōn̄ men ko rem̧m̧an itok wōt jen an mour kōn gospel eo. Kōm̧m̧ane enaaj kōjeram̧m̧an mour eo am̧ im emaron̄ jipan̄ boktok meram in gospel eo n̄an ro ipeļaakūm̧.
Kwon Jouj Wōt
Jab pere wāween an jouj eļam waan maron̄ kōm̧m̧an juon oktak eļap. N̄an waanjon̄ok:
Eļan̄n̄e kwoj loe juon armej ej jijet make iaan ilo iien jar, jijet tūrier ak kajjitōk ippāer n̄an jijet ippān baam̧le eo am̧.
Eļan̄n̄e rejjab maron̄ etal im jar ak etal n̄an m̧akūtkūt ko ippāer make, kajjitōk n̄e komaron̄ leļo̧k iaļ ak karuwaineneik er n̄an itok ippān tok baam̧le eo am̧.
Ej barāinwōt aorōk n̄an karuwaineneik ro m̧ōttam ilo m̧akūtkūt ko. Juon kūr n̄an juon m̧akūtkūt an ward an baam̧le emaron̄ dik ilo kalimjōke, ak emaron̄ jipan̄ eo m̧ōttam̧ kāālet n̄an ped epaake Rilo̧mo̧o̧r im Kabun̄ eo An eļan̄n̄e rej en̄jake aer ruwainene.