Kajju n̄an Meļeļe Eo

N̄e juon armej ej jiron̄ eō bwe science ej kariab juon men kōmij tōmak?

Būreejtōn Russell M. Nelson ekar katakin: “Anij ej unjen aolep m̧ool otemjej. Kabun̄ eo an Jisōs Kraist im Armej ro Rekwojarjar ilo Raan Ko Āliktata rej kaorōk aolep m̧ool me Anij ej litok n̄an ajri ro Nejin, men̄e ekkatak ilo juon scientific laboratory ak kar būki kajju kōn revelesōn jān E. (“Ta In Mool?” Okt. 2022 kweilo̧k eo eļap [Liaona, Nob. 2022, 30]).

Eļan̄n̄e armej rej ba science ej kariab juon m̧ool an gospel, erkein jet men ko n̄an kememeej:

Kwoj aikuj bōk m̧ool ko. Kappukot eļan̄n̄e m̧ool ke science ej ba menin (im eļan̄n̄e ejjab), barāinwōt ta eo gospel eo em̧ōj an jepļaaktok an Jisōs Kraist ba (im eļan̄n̄e ejjab). Kaorōk m̧oktata iien ko n̄an ekkatak jeje ko rekwojarjar im naan ko an rikanaan ro.

Jeļāļo̧kjeņ ilo jetōb ej juon men em̧ool. Science ej juon jekjek n̄an ekkatak men ko rem̧ool kōn laļ in. Ak ewōr jet m̧ool ko Anij ej letok wōt ilo revelesōn n̄an kōj. Emaron̄ wōr am̧ tōmak bwe Jetōb Kwojarjar eo “kōn men ko āinwōt aer lukkuun waļo̧k” (Jekab 4:13).

Tōmak ebōk kijenmej. Jeļāļo̧kjeņ ilo ekkatak ko an armej ej oktak iien otemjej. Jet iien jej aikuj kōttar n̄an an science tōpar m̧ool ko indeeo em̧ōj kwaļoki. Jemaron̄ dāpdep wōt kōn m̧ool ko reļļap an jetōb ak jej bar ekkatak tipdikin meļeļe ko.