“Kobaļo̧k ilo Juon Wōt Tiim,” N̄an Kōkajoorļo̧k Jodikdik Ro, Juļae 2023.
Kobaļo̧k ilo Juon Wōt Tiim
Rein ruo rekar jieikdoon ilo jikin jikuuļ rekar m̧ōttāik doon n̄an ban.
Pija ko jān Jeffery Barker Edwards
Sister Dil ekar wōr wōt an jiljino wiik ko āliktata ilo mijen eo an ilo Australia ke ekar jeļā ke enaaj kar joļo̧k wiik ko āliktata im jerbal ippān Sister Tuala!
“Ekar men eo me ikar jab kōnaan nej kar likūt n̄a make ie,” says Sister Dil.
Sister Dil im Sister Tuala eto aer kar rikkure ro rej jinoin n̄an tiim ko an highschool eo aer im rem̧ōkade ilo Auckland, New Zealand. Rekar jieikdoon. Ekkā aer ikkure ņae doon ilo tournament in final ko, im ekar jab em̧m̧an.
“N̄an kalikkarļo̧k,” Sister Tuala ej ba, “kōm kijon̄ ro̧o̧l jān jikin ikkure eo kōn rakutak im mao.”
Sister Deli im Sister Tuala rekar joļo̧k eļap iien kōmālmel im ikkure basketball. “Basketball ej mour ko amim,” Sister Dil ej ba.
Ālkin kadiwōjļo̧k jān high school, rekar jim̧or en̄jake n̄an etal im mijen—ijoke ejjeļo̧k juon iaerro ekar en̄jake ikdeelel eo n̄an mijen m̧okta.
Kōm̧m̧ane Kāālet eo n̄an Jerbal
N̄an Sister Tuala, ekar bōk iien n̄an kōjokkun wōt juon kilaan ippān kilaan Irooj. “Ekar 21 aō iiō ke ikar kōm̧m̧ane kāālet eo n̄an em̧akūt kōn im̧we eo” ekar ba. “Ikar leto letak kake wōt m̧ae iien eo ikar ped ioon baļuun eo.”
Sister Tuala ekar tōprakļo̧k ilo mijen eo an ilo Australia ilo iien ajeeded in n̄aninmej in COVID-19, im men̄e ekar pen, ekar ļap an kam̧m̧oolol bwe ekar kāālet n̄an jerbal.
“Ijjab maron̄ pijaik ilo kōļmenļo̧kijeņ e aō kar Sister Tuala ke ekar 21 aō iiō. Ij lukkuun en̄jake ke em̧ōj aō eddōkļo̧k.”
Sister Dil ekar wōr ippān juon im̧we “ealikkar im ekajju” n̄an etal im mijen ke ekar bōk kōjeram̧m̧an eo an petriak eo an. Ālkin jet iien, ekar kāālet n̄an ļoor im̧we eo n̄an jerbal, kōnke “Ankilaan Irooj ej iien otemjej iaļ eo ejim̧we im kāālet eo em̧m̧antata.” Kūr eo ekar itok, im ekar kanne bāāk ko an n̄an etal im jerbal ilo Australia.
Kobaļo̧k ilo Juon Wōt Tiim … ilo juon Kōta Ettoļo̧k
Ejjab kōnke Sister Dil im Sister Tuala rekar jerbal ilo juon wōt mijen rekar kajju m̧ōttā. Ālkin an kar to aerro kar jieikdoon, Sister Dil im Sister Tuala ekar pen wōt n̄an aerro kalimjōk doon āinwōt bar jet kain.
Ilo m̧ool, raan eo jinointata Sister Tuala ekar loe Sister Dil, ļōmņak eo an jinointata ekar, “Ijaje ij aikuj in ke iakwe lien.”
Kajem̧ļo̧k Tarpok eo
Kiiō ke rekar karōk Sister Tuala im Sister Dil n̄an jerbal ippān doon, ekar kanoojin juon men ejakoņ.
Erro jim̧or ekar wōr aerro aitia kōn doon ekkar n̄an wāween aer kar ikkure basketball ilo court. Kajjojo iaerro rekar ļōmņak bwe eo juon elukkuun kūttare, ejjab kōņaan luuj, im elāj.
Ak ekar jino oktak men ke rej jino jeļā kajjeen doon. Sister Dil ekar kile bwe Sister Tuala ej “oktak jān” wāween eo eto an kalimjeke kake. “Ej juon eo eļap iakwe ippān—juon iaan kampānien ro rem̧m̧antata ikar jerbal ippān,” Sister Dil ej ba.
Sister Tuala ekar wōr an bar en̄jake āinwōt in. Ekar jab kile bwe en̄jake ko in jieik Sister Dil ekar “pok in ļōmņak ko rejjab m̧ool” ilo mour eo an.
En̄jake kein renana kōn pok im ekajet rekar bōk jikier kōn iakwe im meļeļe ilo an jinoe loe Sister Dil kōn wōn lukkuun e. Im ilo m̧ool Sister Tuala ekar ļōmņak Sister Dil ekar jej an naan “Sister Dil emaron̄ kōnono!”
Ilo jemjerā in ekāāl aerro, Sister Dil im Sister Tuala rekar kile bwe bōlen rekar jab rikōjdrat n̄an doon.
“Ilo basketball kwoj kalōk ilo kōļmenļo̧kjeņ ļōmņak in bwe jej aikuj wiin,” Sister Dil ej ba. “Innem ejem̧lo̧k basketball, im kwoj kile, ‘Oo, ejako aer rikōjdrat. Bōlen rekar jab lukkuun kōjdrate doon.’”
Kiiō, Sister Dil im Sister Tuala rej loe bwe rej pād ilo juon wōt “tiim”—tiim eo an Anij.
Kraist ilo Ilubwilijin, jān Judith Mehr
En̄taan eo an Jisōs Kraist Ej n̄an Aolep Armej
Jim̧or sister ro rekar en̄jake pein Anij ilo jerbal eo aerro ainwōt kampānien ro im jeļā kajoor eo an Pinmuur eo an Jisōs Kraist ekar kōtļo̧k aer en̄jake kōmour im oktak.
“Jisōs Kraist ekar kōm̧m̧ane pinmuur eo bwe aolepen men kein me rekar likjab ilo tōre ko m̧oktaļo̧k ren maron̄ kōmour, kajim̧wi, im kōkm̧anm̧anļo̧k,” Sister Dil ej ba. “Jemaron̄ jeorļo̧k bōd. Jemaron̄ meļo̧kļo̧k. Jemaron̄ wōnm̧aanļo̧k wōt, im men rej oktak.”
Sister Tuala im Sister Dil rekar jab wōt kōjakoik tarpok eo aer, ak rekar barāinwōt ekkatak wāween n̄an kalimjōk armej āinwōt an Anij kalimjōk er.
“Itok n̄an ijin im maron̄ loe kampānien eo aō im armej ro jet ilo juon meram oktak, ij kile bwe bwebwenato ko an kajjojo armej raorōk,” Sister Tuala ej ba. “Im aolep rej aikuji Pinmuur eo an Jisōs Kraist.”
Rekar ekkatak bwe men̄e emaron̄ pen, emaron̄ n̄an ruo armej ro rekar kalimjōk doon m̧oktalo̧k āinwōt rikōjdrat n̄an ippān doon kōn iakwe.
“Ejjab aorōk iiō ta eo am̧ ak kwe ria,” Sister Tuala ej ba, “akō n̄e kwoj juon eo kwojjab tōmak ilo Anij ak tōmak ilo men ko an kabun̄.
“Eļan̄n̄e imaron̄ jerbal ippān juon eo ekar jab em̧m̧an ar jab lukkuun em̧m̧an jemjerā eo aō ippān, im kom̧ro ruo kom̧ro ej ippān doon kōn juon wōt un, innem ro jet remaron̄.”