“Ekōjkan aō maron̄ erom̧ juon waanjon̄o̧k n̄an membōr ro an baam̧le eo aō eļan̄n̄e epen aer mour kōn katak ko an Jisōs Kraist?” N̄an Kōkajoorļo̧k Jodikdik Ro, Juļae 2023.
Kajjitōk ko im Uwaak ko
“Ekōjkan aō maron̄ erom̧ juon waanjon̄o̧k n̄an membōr ro an baam̧le eo aō eļan̄n̄e epen aer mour kōn katak ko an Jisōs Kraist?”
Kwaļo̧k, Jerbal in Jipan̄, im Jeere
“Kwaļo̧k n̄an baam̧le eo am̧ wāween an mour kōn gospel in ej kōm̧m̧an menin am̧ m̧ōņōņō. Kwomaron̄ jerbal in jipan̄ n̄an er im kwaļo̧k en̄jake ko am̧ n̄an er. Kwomaron̄ barāinwōt karuwaineneik mijnede ro n̄ān kōm̧m̧an nokon ilo m̧weo im̧ōm̧.
Luciana M., 18, Mendoza, Argentina
Kappukot n̄an Meļeļe
“Jet iaan ro uwaan baam̧le eo aō em̧ōj aer kōm̧m̧ane jet men ko me rejjab jejjōt ippān jon̄o̧k ko an Anij. Kajjeon̄ n̄an meļeļe un ko aer n̄an men ko rej kōm̧m̧ani. Ejjab meļeļein bwe kwoj aikuj kōm̧m̧ane men ko rej kōm̧m̧ani. Aorōkļo̧k, iakwe er jekdoon ta ko rej kōm̧m̧ani ak ba.”
Melody E., 13, Texas, USA
Ļoor Rilo̧mo̧o̧r eo
“Aolep iien ij kajjeon̄ juon waanjon̄o̧k n̄an baam̧le eo aō ilo aō kōnono kōn katak ko an Kabun̄ in. Ij aolep iien kajjeon̄ pukot Kraist ilo n̄a make. Ijeļā bwe eļan̄n̄e inaaj ļoor E, inaaj maron̄ erom̧ juon waanjon̄o̧k em̧m̧an n̄an baam̧le eo aō im jipan̄ boktok meram eo an Kraist n̄an mour ko aer.”
Adalia C., 19, Rio Grande do Sul, Brazil
Kōjan̄ Al ko Rej Ļōn̄aj
“Ij jepooļ eō make kōn media ko rem̧m̧an me rej boktok Jetōb n̄an m̧weo im̧ō. Kōjan̄ juon al in jar ilo piano eo ejipan̄ eō en̄jake lan̄lōn̄ men̄e ro uwaan baam̧le eo aō ej apan̄. Wōnm̧aanļo̧k n̄an pedped ioon Rilo̧mo̧o̧r n̄an lan̄lōn̄ im aeņōm̧m̧an, men̄e ro jet ipeļaakūm̧ rejjab.”
Lauren B., 14, Maryland, USA
Iakwe Er
“Kwojjab maron̄ ukōt kāālet ko an ro uwaan’ baam̧le eo am̧ jon̄an wōt aer ban ukōt kāālet ko am̧,bōtaab kwomaron̄ iakwe er iien otemjej. Kraist ekar kwaļo̧k eļap kōn iakwe n̄an armej ro me rekar jab erre ippān ak iakwe E. Aolep rej ajri ro nejin Anij, im kōn iakwe eo am̧, remaron̄ en̄jake iakwe eo an Jemedwōj Ilan̄.
Brooklyn D., 17, Utah, USA
Kappukot n̄an Loe āinwōt an Kraist Loe
“Bōk iakwe eo āinwōt an Kraist im kajjeon̄ n̄an loe ilōn̄ļo̧k m̧ōjņo̧ ko aer emaron̄ jipan̄ kōj meļeļe ta eo rej ioone. Jisōs Kraist ewāppen An emeļeļe kōn kajjojo iaad. Im jemaron̄ jinoe n̄an loe im jipan̄ ro jet āinwōt kar E eļan̄n̄e jej kajjitōk ippān n̄an tōl kōj.”
John K., 17, Indiana, USA
Jab Ekajet
“Ij ekkatak n̄ān iakwe er, jouj n̄an er, im jab ekajete er.”
Logan C., 18, Utah, USA