“Iien Jepļaaktok eo,” N̄an Kōkajoorļo̧k Jodikdik Ro, Juļae 2023.
Ļain ioon Ļain
Iien Jepļaaktok Eo
Ekkatak kōn ta eo Rijilōk Piter ekar jiron̄ armej ro kōn Jepļaaktok eo.
Visōn eo M̧oktata, jān Walter Rane
iien bar kōkāāl
“Iien aem̧ōlolo” eo Piter ekar kōnono kake ej n̄e Jisōs Kraist ej bar jepļaaktok. Ālkin Itok eo Kein Karuo, “laļ enaaj kōkāāl im bōk aiboojoj in paredais eo an” (Lajraak ko in Tōmak 1:10).
iien karōk men otemjej
“Iien ko iien karōk men otemjej” ej n̄e Jepļaaktok eo an gospel eo ej bōk jikin. Iien eo ekūtbuuj raan ko āliktata (raan kein ad) im n̄e Jisōs Kraist enaaj bar itok.
Jepļaaktok ej meļeļein bar kōro̧o̧ltok ak kōjepļaaktok. Jepļaaktok eo an Kabun̄ in ekar ijjino ilo spring 1820 eo, ke Jemedwōj Ilan̄ im Jisōs Kraist rekar waļokļo̧k n̄an Rikanaan Josep Smith. Tōre eo me elōn̄ men ko rekar jinoe kōjepļaaki tok n̄an laļin, ekoba m̧ool ko rerreo an Jisōs Kraist, maron̄ eo an priesthood, im Kabun̄ in.
aolepen rikanaan ro an rekwojarjar jān jinoin laļin
Jān tōre ko etto, riknaan ro rekar kanaan m̧oktaļo̧k bwe Eo Nejin Anij, Jisōs Kraist, enaaj kar itok n̄an laļin im erom̧ ad Rilo̧mo̧o̧r. Rekar barānwōt kanaan m̧oktaļo̧k bwe Jisōs Kraist enaaj kar bar itok kein karuo.
Im rikanaan ro rekar barāinwōt kanaan m̧oktaļo̧k bwe m̧okta jān an Rilo̧mo̧o̧r bar itok, E enaaj kōjepļaaktok gospel eo An im Kabun̄ eo An n̄an laļin. Jepļaaktok eo me rikanaan ro rekar kanaan kake ej waļo̧k kiiō ilo raan kein ad.