“Erom̧ Juon Uwaak n̄an Juon an Armej Jar,” N̄an Kōkajoorļo̧k Jodikdik ro, Juļae 2023.
Itok, Ļoor Eō
Erom̧ Juon Uwaak n̄an Juon an Armej Jar
Ļoor im̧we ko ejipan̄ kōj kōm̧m̧ane juon oktak.
Āinwōt Aō Kar Lewaj n̄an Eok, jān Walter Rane
Piter im Jon rekar kōmour juon em̧m̧aan ilo tampeļ eo.
Kwomaron̄ en̄jake bwe ejjab ļap ippam̧ n̄an leļo̧k. Bōtaab ewōr am̧ tōmak ilo Jisōs Kraist, im tōmak eo am̧ ilo E ebwe n̄an tōl n̄an jet men ko rekwabwilōn̄lōn̄.
Jidik iien ālkin mej im Jerkakpeje eo an Jisōs Kraist, Piter im Jon rekar etal n̄ān tampeļ eo, ijo juon em̧m̧aan eo ejjab maron̄ etetal ekar jijet nam̧ōjen im ekar kajjitōk ippāer menin jipan̄ ko.
Piter ekar ba n̄an em̧m̧aan eo, “Ejjeļo̧k silver ak gold ippa, a men eo ewōr ippa ij lewōj n̄an eok. Ilo etan Jisōs, ri Nazeret, kwōn jutak im etal” (lale Jerbal 3:6; eoon eo kar kobaiktok).
Piter ekar kajutak em̧m̧aan eo. Ej kab jinointata ilo mour eo an, em̧m̧aan eo emaron̄ jutak. Ekar etetal im em̧ool ekāke kōn lan̄lōn̄. Tōmak eo an Piter ilo Kraist ekar leļo̧k n̄an e peran n̄an kōmour em̧m̧aan eo kōn kajoor eo an priesthood.
Jen m̧ool, jekdoon ta. Bōlen kwoban iien otemjej maron̄ kōmour m̧ōjņo̧ ko ilo ānbwin an aolep armej. Ak tōmak eo am̧ emaron̄ jipan̄ ilo jekjek ko jet. Āinwōt Piter, ta eo ewōr ippam̧, komaron̄ leļo̧k.
Pija ko jān Getty Image ko
Kōm̧m̧ane Oktak
Kwonan̄in ke kar jar bwe en dikļo̧k am̧ en̄jake ajimakeke? Ak bwe juon en maron̄ erom̧ juon m̧ōttam̧?
Em̧ōj kar ke an juon armej jedewaj, call eok, jeje waj ilo iien eo? Bōlen remaron̄ kar ļoor juon im̧we im kajjeon̄ n̄an em̧m̧anļo̧k, ejjeļo̧k oktak jān kwe. Men eo wōt rekar kōm̧m̧ane ekar tiljek ilo aer kōjerbal jidik in iien ko aer, jidik in peran eo aer, im jidik in jouj—ilo bar jet naan, ta eo ewōr ippāer. Kwe bar kwomaron̄ kōtļo̧k an tōmak eo am̧ uun eok n̄an kōm̧m̧ane im̧we ko.
Elder Ronald A. Rasband jān Doulul eo an Jon̄oulruo Rijilōk ro ekar katakin: “Ewōr ippād eddo eo ekwojarjar n̄an katak kile im̧we eo an [Jetōb Kwojarjar eo] ilo mour ko ad im uwaaki.”1
Kwojjab kile iien otemjej n̄e ak eļan̄n̄e em̧ōj am̧ kōm̧m̧ane juon oktak ilo juon an armej raan, emaron̄ pen n̄an loe un eo n̄an ļoor im̧we ko.
Ijoke, kajjeon̄ n̄an jerbal in jipan̄—kōm̧mane ijo kwomaron̄e—enaaj kōm̧m̧an am̧ en̄jake m̧ōņōņō im tōprak men̄e kwojjab iien otemjej loe tōprak ko. Ilo am̧ ron̄jake im̧we ko, Jetōb Kwojarjar enaaj jipan̄ eok ekkatak wāween n̄an jerbal n̄an ro jet, men̄e eļap am̧ boub. Ilo an Elder Jeffrey R. Holland jān Doulul eo an Jon̄oulruo Rijilōk ro kar katakin: “Jar ko rej uwaak… eiten aolep iien … jān an Anij kōjerbal bar jet armej. Ekwe, ij jar bwe Enaaj kōjerbale kōj. Ij jar bwe jenaaj uwaak ko n̄an jar ko an armej ro.”2
Lan̄lōn̄ n̄an Aolep Armej
Jān kōm̧m̧an em̧m̧an, kwomaron̄ juon uwaak eo n̄an jar ko an ro jet im lo lan̄lōn̄ ilo am̧ kōm̧m̧ane—im ilo mour indeeo. Āinwōt an Elder Rasband kar katakin: “Lan̄lōn̄ jab in ej itok āinwōt aenōm̧m̧an ilubwilijin apan̄ im rub bōro. Ej letok kaenōm̧m̧an im kōketak, m̧ool ko an gospel eo rej erļo̧k, im kōdepakpad ad iakwe n̄an Irooj im aolep ro nejin Anij.”3 Ilo bar jet naan, kwomaron̄ barāinwōt erom̧ eļapļo̧k āinwōt Kraist.
Baj leļo̧k wōt jon̄an eo kwomaron̄e, ijjinoe kōn jidik iien im pokake.
Jet iien, aaet, kwe eo kwoj aikuj jidik bar jipan̄. Bar ijin, Jemedwōj Ilan̄ eo ej iakwe ej jilkintok im̧we ko n̄an ro jet. Remaron̄ loe lan̄lōn̄ ilo aer erom̧ uwaak in jar ko, ejjeļo̧k oktak jān am̧ naaj kar erom̧ juon uwaak n̄an jar ko aer. Meļeļein menin ewōr bilien uwaak ko remaron̄, im eo tok juon emaron̄ etetal laļļo̧k ilo juon iaļ, baj wōt ba iakwe.