“Dāpdep Wōt n̄an M̧ool Eo,” N̄an Kōkajoorļo̧k Jodikdik Ro, Juļae 2023.
Dāpdep Wōt n̄an M̧ool Eo
Kōmeļeļe jān Ben Simonsen
Jinointata in aō kar loe m̧ōnjar eo an Kabun̄ in, ikar ļōmņak ej juon hospital. Ekar kanooj in erreo im meļak. Em̧m̧an ippa gospel in an Jisōs Kraist jinoin aō kar jinoe kobaļo̧k ilo iien jar ko an kabun̄ in.
Sister mijenede ro rekar jino katakin n̄a, im ikar kāālet n̄an peptaij. Ekar juon raan eo em̧m̧antata!
Armej eo ej jokwe tūrin m̧weo m̧ō ekar kwaļo̧k kadkadin gospel in n̄an n̄a, e ekar juon mijinede. Ekar call e n̄a juon jibbon̄in Jabōt im ekar kajjitōk ippa n̄an etal im jar ippān im baam̧le eo an. Kar m̧okta, jinō ekar ba ijjab maron̄ etal kōnke ekar ejjeļo̧k amim jāān n̄an wōņāān bus. Ke ikar ba n̄an armej eo ej jokwe tūrin m̧weo kōn menin, ekar ba emaron̄ bōke n̄a, im jinō ekar kōtļo̧k aō etal.
Men̄e Jej Etetal Ipped Make
Ālkin aō kar peptaij, ekar wōr iien ko reppen n̄an n̄a ippān baam̧le eo aō. Jet iien rekōņaan bwe in pād wōt m̧we ilo raan in Jabōt, ak ikōn kāālet n̄an etal wōt im jar. Eiten aolep iien ekar pen n̄an aō pād wōt ilo iaļan bujen eo.
Jet iien ro uwaan baam̧le eo aō rekar jum̧ae Kabun̄ in im rekar jiron̄ eō bwe ikar kōm̧m̧ane kāālet eo ebōd n̄an kobaļo̧k. N̄e rej jiron̄ eō menin, naan kein rej itok n̄an kōļmenļo̧kijeņ eo aō: “Ijeļā bwe Jemedwōj Ilan̄ im Jisōs Kraist rej mour. Ijeļā bwe Kabun̄ in ej m̧ool.” Ļōmņak kein rekar jipan̄ eō dāpdep wōt n̄an m̧ool eo.
Kōm̧m̧an ko Ad Remaron̄ Im̧we Mour ko An ro Jet
N̄e ij apan̄ n̄an jeļā wāween kōļļā juon m̧ōttan jon̄oul, eo ritūrū ekar kwaļo̧k n̄an eō wāween kōļļāiki Kiiō n̄e jinō ej letok aō jāān, aolep iien ij kōļļā aō juon m̧ōttan jon̄oul. Em̧ōj aō im baam̧le eo aō lo kōjeraam̧m̧an ko jene. Baam̧le eo aō rekar jino letok jāān n̄an n̄a n̄an kōļļāiki juon m̧ōttan jon̄oul! Menin ekar juon kabwilōn̄lōn̄.
Eiten aolep iien ij etal im jar ippa make, ak jet iien jinō ej itok ippa tok. Jinō ekar kālet n̄an ekkatak eļapļo̧k kōn gospel in im lo bwe ekam̧ōņōņō men̄e ejjan̄in de kar peptaij ie.
Jar im Tōmak Rej Ukōt Bōro ko
Em̧ōj aō lo pein Irooj ilo mour eo an baam̧le eo aō ilo aō jar kake er im kajiitōk ippān ro jet n̄an jar kake er ilo tampeļ eo. Ro uwaan baam̧le eo aō em̧ōj aer oktak im ļapļo̧k aer rie n̄a, im rej kiiō rojan̄ eō n̄an etal im jar im m̧ool kōn wōn n̄an.
Jim̧m̧aō ej kab kar mejļo̧k, im ikar lo etan ilo aō kar kōm̧m̧an aō menmenbwij an baam̧le. Ikar kajjitōk ippān jema eļan̄n̄e imaron̄ kōm̧m̧ani kain̄i ko n̄ane ilo tampeļ. Ekar ba, “Kajju kōm̧m̧ane n̄e ejim̧we n̄an kōm̧m̧ane.”
Lan̄lōn̄ im M̧ōņōņō Em̧ool
Riiti jeje ko rekwojarjar im jeļā bwe Pinmuur eo an Jisōs Kraist ekar boktok n̄an eō lan̄lōn̄, m̧ōņōņō, aeņōm̧m̧an, im kaeņōm̧m̧an.
Ijeļā bwe kōn pinmuur eo an Rilo̧mo̧o̧r, imaron̄ bar ped ippān Jemedwōj Ilan̄ bar juon alen im bwe baam̧le eo aō remaron̄ pād ippa n̄an indeeo n̄e kōm naaj liāp ilo tampeļ juon raan.
Rijeje eo ej jān Vanuatu im ej jokwe ilo Fiji.