“Jiljilimjuon Raan in Kwaļo̧k,” N̄an Kōkajoorļo̧k Jodrikdrik Ro, Juļae 2023.
Jiljilimjuon Raan in Kwaļo̧k
Kwomaron̄ kwaļo̧k gospel in ilo jekjek ko rejjab kāāl im rej wāween m̧akūtkūt ko kajjojo raan. Kwoj ke pojak n̄an bōk challange in?
N̄e jej ekōnono kōn kwaļo̧k naan in kam̧ool ko, ekkā ad ļōmņak kōn kwaļo̧k naan in kam̧ool ko ilo kweilo̧k ko an kwojkwoj eo ak bar jet iien raorōk. Ak em̧ōj rojan̄ kōj n̄an “kappukōt iien ko rem̧m̧an n̄an kwaļo̧k kabun̄ eo am̧ ilo wāween ko re natural im re normal.”1
Ilo jiljilimjuon raan in challenge eo, kwomaron̄ kwaļo̧k naan in kam̧ool ilo juon wāween oktak kajjojo raan ilo juon wiik. Kwomaron̄ kōm̧m̧ane men kein ilo jabdewōt laajrak, ak kwomaron̄ barāinwōt waļōn̄tak kōn ļōmņak ko am̧ make! Kwoj ke pojak n̄an bōk challange in?
Kōmeļeļe ko jān Emily Davis
Raan 1: Mōn Jar
Ļōmņak in kwaļo̧k naan in kam̧ool eo am̧ ilo jabōt in jitlo̧k im kwojkwoj eo ilo m̧ōn jar eo eļan̄n̄e ej juon men kwoj koņ ilo kōm̧m̧ane. Eļan̄n̄e jaab, kwomaron̄ kwaļo̧k naan in kam̧ool eo am̧ ilo m̧ōn jar eo ilo am̧ bōk koņaam ilo kūlaaj ko ilo raan in Jabōt im ilo kūlaaj in jemenere. Naan ko kwoj kwaļo̧k ijo emaron̄ ļōn̄aj ro jet im kōkajoor naan in kam̧ool ko aer im barāinwōt eo am̧.
Raan 2: Ro Mōttam̧
Ta eo kwar ekkatak ilo m̧ōn jar eo ilo raan in Jabōt? Ekar ke em̧m̧an ippam̧ ta eo juon armej ekar kwaļo̧k kake ilo kweilo̧k in kwojkwoj eo ak ilo iien kōmeļeļe eo ilo kūlaaj eo am̧? Bōlen al in kōppeļļo̧k eo ekar juon iaan al in jar ko rem̧m̧antata ippam̧. Ba n̄an juon m̧ōttam̧ kake! Innem bar kajjitōk ippāer kōn jem̧ļo̧kin wiik eo aer.
Raan 3: Social Media
Social media ej juon jikin ko eļap aer em̧m̧an n̄an kwaļo̧k men ko an jetōb ilo jekjek ko re normal im re natural. N̄an raan in challange in, ļōmņak in jeere juon post kōn:
-
Juon iaan eoon ko rem̧m̧antata ippam̧.
-
Juon kout in ļōn̄aj jān kweilo̧k eo eļap.
-
Juon ļōmņak ak en̄jake ilo jetōb.
-
Juon men kwoj iakwe ak kam̧m̧oolol Rilo̧mo̧o̧r eo kake.
-
Juon wāween E ekar jipan̄ eok kar kiiō ak juon m̧wil kwoj iakwe ilo E im etke.
Raan 4: Text ak Video
Jilkinļo̧k juon naan in ļōn̄aj n̄an juon m̧ōttam̧ ilo text ak video. Kwomaron̄ jeere juon katak jān kweilo̧k eo eļap kwoj ļōmņak ke emaron̄ em̧m̧an ippāer, jiron̄ er jet men kwoj kam̧m̧ool kake er, ak kwaļo̧k kōn tōmak eo am̧ ilo Jisōs Kraist. N̄an waanjon̄o̧k, remaron̄ aikuj jeļā kōn iakwe eo an Jemedwōj Ilan̄ n̄an er. Iien otemjej kwomaron̄ ba n̄an er ilo lukkuun nememein armej.
Raan 5: Jerbal in Jipan̄
Kwomaron̄ ļōmņak kake ekōjkan an jerbal n̄ān ro jet maron̄ juon wāween n̄an jeere naan in kam̧ool eo am̧. Rijilōk Paul ekar jiron̄ Timote: “Kwōn juon jon̄ak n̄an ro rej tōmak, ilo naan, ilo kōnono, ilo iakwe, ilo jetōb, ilo tōmak, im ilo kwojarjar” (1 Timote 4:12). Kōn menin kwomaron̄ kwaļo̧k tōmak ko am̧ kōn waanjon̄o̧k ko am̧, jān am̧ jerbal n̄an ro jet āinwōt an nej kar Rilo̧mo̧o̧r jerbal n̄an er.
Raan 6: Art
Jet iien armej rej kōjerbal art āinwōt juon jekjek oktak n̄an kwaļo̧k ļōmņak im en̄jake ko aer. Kwomaron̄ kōjerbal jin̄n̄a ko, dekā ko ļōmi, poetry, al ak kōjan̄jan̄, ak art ko jet n̄an kwaļo̧k wāween am̧ en̄jake kōn Jisōs Kraist im gospel eo An.
Raan 7: Bajjōk Kōm̧m̧ao ko
Jab mijak in kwaļo̧k tōmak ko am̧ ilo jekjek ko re casual, ejjeļo̧k am̧ jān am̧ nej kar bar kwaļo̧k ļōmņak ko jet reped ippam̧ kōn juon unin kōnono.
Kwomaron̄, aaet, ekōnono kōn m̧akūtkūt ko an Kabun̄ in ak juon eoon kwar riiti kar kiiō, ak emaron̄ barāinwōt ļapļo̧k an casual jān jon̄an eo. N̄an waanjon̄ok:
-
Eļan̄n̄e kar im̧we eok jān menin kōm̧anm̧an ko, kwaļo̧k am̧ kam̧m̧oolol kōn kōm̧anm̧an ko an Anij n̄an bar juon.
-
Bōlen ekar waļo̧k juon iien eļap an em̧m̧an ak en̄jake kar kiiō. Ba n̄an juon m̧ōttam̧ kake eļan̄n̄e ejjab menin eņojak n̄an eok make.
-
Kappukot gospel in ilo jekjek in waanjon̄o̧k ko ilo juon bok ak pija em̧m̧an ippam̧, im kwaļo̧k ļōmņak ko am̧.
Norm̧al im Natural
Ilo am̧ kappukot wāween ko rokkotaktak n̄an kwaļo̧k tōmak ko am̧, enaaj ļapļo̧k im ļapļo̧k an erom̧ natural n̄an am̧ kōm̧m̧ane. Emaron̄ naaj jakon jidik n̄an kōm̧m̧ane jinoin, ak ej em̧m̧an wōt! Kemeemej, naan in kam̧ool eo am̧ makeļo̧k iaan ej natural kadede n̄an eok—ej m̧ōttan wōn kwe. Jeer emaron̄ bar erom̧ juon natural. Men eo wōt aikuji ej kōļapļo̧k am̧ kwaļo̧ke jidik kajjojo raan.
Ekōjkan am̧ naaj maron̄ kwaļo̧k naan in kam̧ool eo am̧ rainin?