Pedped ko Repen

Kappukot juon Kapijuknen, Iakwe, im En̄jake Ruwainene

Kōmeļeļe jān Jessica Parker

Kar 6 aō iiō ke ikar aikujin em̧m̧akūt jān lukkuun baam̧le eo aō. Ekar kanoojin kabūrom̧ōjm̧ōj im kamijak. Jejjo allōn̄ tok ālkin an kar menin waļo̧k, ej kab kein kajuon aō ron̄ kōn Jisōs Kraist.

Ikar jinoe loeļo̧k juon baam̧le eo ekar oktak im erom̧ aō foster baam̧le. Ekar kanoojin lōn̄ ippāer ajri ro im rekar jouj n̄an eō im rekar iakwe Rilo̧mo̧o̧r. Baam̧le eo aō ekāāl rekar kōtlo̧k aō etal im jar ippāer, im ikar en̄jake jokne im m̧ōnōņō ijo.

Ekar bōk jejjo iiō ko in aō etal n̄an jar im riiti jeje ko rekwojarjar m̧okta jān aō meļeļe ta kar gospel eo, im ikar kōņaan peptaij ejjab kadikdik. Kar 12 aō iiō ke foster baam̧le eo aō ekar āliktata kōkajiririik n̄an, im ikar maron̄ peptaij n̄e ikōņaan!

Ilo iien peptaij eo aō, ikar kwaļo̧k aō naan in kam̧ool im ikar en̄jake an iakwe eo an Anij jepooļ eō kōn juon kajoor eļap.

Riiti Bok in Mormon eo im ekkatak kōn Jisōs ekar jipan̄ eō jeļā bwe ijjab make iaaō im bwe n̄aij juon nejin Anij. Men̄e men ko rekar jab tōprak ilo jekjek eo ikar kōņaan, E enaaj aolep iien ped ippa.

Violet B., Hawaii, USA