“Nejin eo Ejerwaan,” N̄an Kōkajoorļo̧k Jodikdik Ro, Juļae 2023.
Bārabōļ ko an Rilo̧mo̧o̧r
Nejin eo Ejerwaan
Juon ļaddik ekabbwil ej kajjitōk ippān jemen n̄an bōk kōj ko an im etal jān m̧weo im̧ōn.
Ekar jerwaane aolep men jemen ekar leļo̧k n̄an e n̄an kōm̧m̧ani kōņaan ko an rewaan.
Juon n̄ūta ekar waļo̧k, kōn menin ekar naajdik piik ko.
Juon raan ekar kile ippān ke emaron̄ jepļaak n̄an m̧weo im̧ōn im kajjitōk jipan̄.
Ke ekar tōprakļo̧k m̧weo, ej kajjitōk ippān juon an baam̧le eo an rijerbal, ejjab tōmak ekkar bwe ren kōm̧m̧an n̄ane āinwōt juon eo nejin jemen.
Ak jemen ekar jeorļo̧k an nejin eo ejerwaan bōd im wōnm̧aeiki āinwōt eo nejin im aolepen armej ro ilo m̧weo rekar karuwaineneiki ļaddik eo nejin ke ej jepļaaktok.
Ta Meļeļein
Nejin eo ejerwaan ej bōk jikid n̄e jej kabbwil ņae Jemedwōj Ilan̄. Ak mekarta ia eo jej ilo̧k ie ļo̧k ak ta eo jekar kōm̧m̧ane, Jemedwōj Ilan̄ ekōņaan bwe jen bar jepļaakļo̧k n̄an m̧weo Ippān im gospel eo an Jisōs Kraist.
Jejjab aikuj wāppen. Jej aikuj kile bōd ko ad im ettā, itok n̄an Kraist, im ukweļo̧k. Anij enaaj kanuknuk kōj ilo aiboojoj im kwaļo̧k n̄an kōj m̧oolin tokjed.