“Aiintok—Jab Kajeplōklōk,” N̄an Kōkajoorļo̧k Jodikdik Ro, Juļae 2023.
Itok, Ļoor Eō
Aiintok—Jab Kajeplōklōk
Anij ejjab bōk wōt raņ ilubwilijin armej ro, im jejjab bar aikuj.
Kōmeļeļe jān Travis Constantine
Ālkin jejjo week ko ālkin aō tōprakļo̧k ilo Germany āinwōt juon mijenede, rikatakin eo aō/trainer im n̄a kom̧ro ekar kōļaļļal; ilo juon kōjem an juon leļļap, eo ekar errā n̄an kadeļo̧n̄ kōm n̄an katakin e.
Ilo katak eo am m̧oktata, kōm ekar karuwaineneik e n̄an kwaļo̧k ainikien ilo an riiti juon eoon. Kōn mej kūlaaj ko an remijel, ekar ļap an pen an riit, ebōjrakrak ilo naan ko. Im uwaak ko an n̄an kajjitōk ko amim rekar kadu. Kōm ekar jab lukkuun jeļā ewi jon̄ān an meļeļe.
Kōm ekar kajjitōk ippān n̄an riiti eoon ko ilo Bok in Mormon m̧okta jān amim loļo̧k. Ke kōm ekar bar jepļaakļo̧k, ekar riiti ak kar loe bwe ekar jab meļeļe. Jekar ļōmņak bwe bōlen ewōr an jet apan̄ ko ilo ekkatak. Jekar ļōmņak eļan̄n̄e jej wōnm̧aanļo̧k wōt im katakin e. Bōtaab kōm ekar wōnm̧aanļo̧k wōt.
Ilo loļo̧k eo am tok juon, kōm ekar bwilōn̄ bwe ekar kōņaan peptaij. Innem, ilo ad wōnm̧aanļo̧k im katakin e, kōm ekar kile bwe an riit ekar em̧m̧anļo̧k. Uwaak ko an n̄an kajjitōk ko amim rekar kadu wōt ak kar loe bwe rekar em̧m̧anļok im alikkarļo̧k.
Ejjab to ikar em̧m̧akūt n̄an bar juon bukwon oktak, ak rikatakin eo aō/trainer eo aō ekar jeje tok n̄an n̄a tokālik im ba bwe kōrā eo em̧ōj an peptaij im membōr ro rekar rie. Eļan̄n̄e kwar kajjitōk ippemim wiik ko m̧oktaļo̧k kōn wōn iaan ro kemij katak ippāer epaak an peptaij im em̧ōj an lo jikin ilo Kabun̄ in, e eban kar pād ilo lōn̄tata in laajrak eo amim.
Im kōn menin kōm ekar ekkatak juon katak em̧ōr—ejja katak eo wōt Rijilōk Piter ekar ekkatak etto im bwe kajjojo iaad ej aikuj wōnm̧aanļo̧k wōt ilo ekkatak: “Anij e jab ļōmņak kōn okōtan armej.” (Jerbal 10:34).
Juon Oktak Eļap
Piter ekar kōjeikiik Kabun̄ eo ilo juon iien ekauwōtata. Rilo̧mo̧o̧r ekar jiron̄ Rijilōk ro An, “Kom̧win ilo̧k n̄an aolepen laļ, im kwaļo̧k gospel eo n̄an armej otemjeļo̧k” (Mark 16:15). Ak n̄an tōrein rekar katakin im peptaij wōt ro ilubwilijin Rijew ro.
Innem eļap jon̄an men ko rekabwilōn̄lōn̄ rekar waļo̧k. Juon rilale ritarinae an Rom etan Cornelius—juon ri Gentile, ejjab juon ri Jew, juon ritariane eo ekar kōņake uniform eo ejjeļo̧k oktak jān ro rekar dōbwāāle Jisōs Kraist—ekar loe juon enjeļ ilo juon visōn. Enjeļ eo ekar jiron̄ Cornelius n̄an jilkinļo̧k juon em̧m̧an etan Piter n̄an katakin e. Ejjab to jān iien eo, Piter ekar loe ilo juon visōn, ekar loe juon m̧ōn̄ā me ekar m̧ōj kamoiki ium̧win kien eo an ri Jew, ak kar jiron̄ e n̄an kan̄e kōnke em̧ōj an Anij karreoiki. Ālkin an kar Piter loe visōn eo, rijerbal ro an Cornelius rekar tōparļo̧k im kajjitōk ippān n̄an etal ippāerļo̧k. Jetōb ekar jiron̄ e n̄an ilo̧k.
Ālkin an kar ioon Cornelius im kar loe jon̄an an kar em̧m̧an im m̧ool, Piter ekar jeļā meļeļein visōn eo an. Gospel eo aikuj etal n̄an ippān ri Gentile ro ejjeļo̧k oktak jān bar Cornelius. Ej iien eo Piter ekar ba, “Eṃool, ij kile bwe Anij e jab ḷōmṇak kōn okōtan armej: A ilo aelōñ otemjej eo ej mijak E, im jerbale kwōjarjar, ej kabuñbūruon” (Jerbal 10:34–35). Piter ekar katakin Cornelius kōn Jisōs Kraist im karuwaineneik e im armej ro ilo m̧weo im̧ōn n̄an peptaij. (Lale Jerbal 10.)
Boktok gospel eo n̄an ri Gentile ro ekar kōkaļļeik juon oktak eļap n̄an Kabun̄ eo ilo iien ko m̧okta. Jet armej ekar pen n̄an aer errā ilo oktak in. Ak ekar men eo ejim̧we, im ekar katakin m̧ool ko repidodo kōn Anij im armej ro doon.
Ejjeļo̧k Bōk Wōt Raņ
N̄e ej kōjeram̧m̧an ajri ro Nejin, Anij ejjab bōk wōt raņ pedped ioon laļ ta rej itok jene, kūl, m̧aan ak kōrā, m̧weie, jeļāļo̧kjeņ, maron̄, paļtok in paaktokin, ak jabdewōt oktak ko jet me rej kajepel armej ro. 1respecters of persons E ej “watōk aolep kanniōk juon wōt; e eo ej wānōk ej lo mejān jouj an Anij” (1 Nipai 17:35). Aolep remaron̄ itok n̄an E, bwe “Aolep rej āinwōt juon n̄an Anij” (2 Nipai 26:33). E ej “lale būruon” (1 Samuel 16:7). E ej bōk ro rej “kōm̧m̧an jim̧we, … jouj iakwe, im … etetal kōn juon bōro ettā” (Maika 6:8).
Aolep armej remaron̄ kāālet n̄an itok n̄an Jisōs Kraist, kōm̧m̧an bujen ko ippān Jemedwōj Ilan̄, im ļoor iaļ ko Aer. Im m̧ool in aikuj tōl wāween ad kwaļo̧k gospel eo an Irooj im iakwe eo An.
Jejjab aikuj wōt kalimjōk paaktok im m̧wilin juon armej im ļōmņak bwe rejjab “jejjet” n̄an gospel in. Jejjab maron̄ in wōt kōjerbal jon̄o̧k ko in ļōmņak an laļ in im ļōmņak bwe jon̄o̧k in ļōmņak ko rejjab kōkkare er jān aer maron̄ ekkeijel ilo m̧ōnjar eo. Jejjab aikuj kāālet n̄an jab jerbal n̄an juon armej kōnke eoktak ļōmņak ko aer ilo politic, itok limo ko aer, ak kōņaan ko aer jān kōj.
Anij ejjab loe juon armej āinwōt juon jon̄o̧k in ļōmņak ko em̧ōj aini im rej jutak kōn elōn̄ kain kurup ko reoktak ak m̧wil ko. E ej kalimjōk juon āinwōt—Nejin. Im en̄in ej wāween eo jej aikuj kalimjōk kajjojo armej—āinwōt juon eo ejenolo̧k kōn juon jon̄an wōt juon maron̄ eo
Erom̧ juon Riaiintok
Būreejtōn Russell M. Nelson ekar rojan̄ kōj n̄an bōk konaad ilo aiintok Israel.2 Ak eļan̄n̄e jej, ejjab āinwōt Anij, kāālet n̄an “jab ḷōmṇak kōn okōtan armej” n̄e e itok n̄an kwaļo̧k gospel eo im kobaik armej ro ilo m̧ōnjar eo, jemaron̄ kajeplōklōk ak kajepeļo̧k eļapļo̧k jān ad aiintok im koba ippān doon.
Jen kajjojo iaad kōm̧mane juon kallim̧ur: kabōjrak kajeplōklōk Erom̧ juon Riaiintok Iakwe, kwaļo̧k, im karuwainene.
Kampānien eo aō im n̄an kom̧ro ekar jab jeļā eļan̄n̄e kōrā eo kom̧ro ekar katakin ilo Germany enaaj kar peptaij. Kom̧ro ekar jab jeļā buruōn, ak Anij ekar. Ij m̧ōņōņō bwe kom̧ro ekar bōk im̧we n̄an wōnm̧aanļo̧k wōt im katakin e.
Ilo am̧ kajjeon̄ ļoor Jetōb im jab kajjeon̄ erom̧ juon eo ej jab ḷōmṇak kōn okōtan armej, naaj tōl eok n̄an jipan̄ ro ipeļaakūm̧ n̄an itok n̄an Kraist, jekdoon ta oktak ko ippāer.