“Ikonektar,” Alang sa Kalig-on sa mga Kabatan-onan, Ago. 2023.
Ikonektar
Manulele A.
16, Hawaii, USA
Litrato pinaagi ni Mason Coberly
Taga-Hawaii ko. Ako usab usa ka receiver ug running back sa akong football team sa hayiskol.
Ang among team kausa midula sa usa ka sangka sa Sabado ug Dominggo. Nakadesisyon na ko nga dili gyod ko modula ma-Dominggo. Upat ka kauban sa team naangol pagka-Sabado, mao nga grabe ang pagpamugos nga modula pagka-Dominggo. Apan wala ko modula. Hinoon, gusto ko nga moadto sa simbahan ug moambit sa sakramento. Mao nga gidala ko sa akong ig-agaw sa simbahan.
Ang mga tigrekrut sa kolehiyo moadto aron motan-aw kon unsa ka kamaayo modula sa mga sangka sa football. Nasayod ko nga mawala nako ang mga oportunidad tungod sa dili pagdula og ma Dominggo. Apan nasayod usab ako nga ang Langitnong Amahan mopanalangin nako alang sa akong pasalig. Human sa sangka, mapasalamaton ko nga ang duha ka kolehiyo mikontak nako. Apan mapasalamaton kaayo ko sa espiritu nga akong gibati sa dihang mipili ko sa pagbalaan sa adlawng Igpapahulay.