“Sa unsa nga paagi imong masinati sa personal ang Espiritu ug ang Iyang mga pag-aghat?” Alang sa Kalig-on sa mga Kabatan-onan, Agosto 2023.
Mga Pangutana ug Mga Tubag
“Sa unsa nga paagi imong masinati sa personal ang Espiritu ug ang Iyang mga pag-aghat?”
Kalit nga mga Ideya ug mga Hunahuna
“Akong gibati ang Espiritu ug nakadawat og mga pag-aghat pinaagi sa kalit nga mga ideya ug mga hunahuna. Mahitabo kini kon andam ang akong hunahuna sa pagdawat og mga pag-aghat gikan sa Dios. Sa kamping sa Batan-ong mga Babaye, mibati gayod ako og kamingaw. Miadto ko sa akong kabin ug miampo bahin niini. Human niadto mibati ko sa pagtuyok. Mituyok ko og akong nakita ang akong mga lider. Alegre kaayo mi nag-ziplining ug nangaon og snow cone! Kini nga kasinatian mitabang kanako sa pagkat-on unsaon nga akong mabati ang Espiritu.”
Harper J., 14, Oregon, USA
Kalinaw diha sa Kinaiyahan
“Ang kakalma sa kinaiyahan nagtabang nako nga mabati ang Espiritu. Ang kinaiyahan naghatag kanako og kalinaw kon nanlimbasog ko og usa ka butang. Kasagaran molingkod ko o molakaw sa gawas ug maghinuklog kon unsaon nako pagbuntog ang akong mga pakigbisog. Nakadawat ko og daghang pag-aghat samtang gilibotan sa kinaiyahan.”
Addison P., 14, North Carolina, USA
Lihoka ang mga Pag-aghat
“Ayaw ibale-wala ang mga pag-aghat nga daw gamay ra. Bisan og usa lang ka ideya sa pagsulti og usa ka butang ngadto sa usa ka tawo mahimong paagi sa Espiritu sa pag-aghat kanimo. Bisan kon ang pag-aghat mura og gamay ra, lihoka kini. Sa imong pagpakita nga ikaw andam molihok diha sa pagtuo, Siya moaghat kanimo sa pagbuhat og dugang pa.”
Rose W., 15, Utah, USA
Pagpangandam
“Ako makabati sa mga pag-aghat sa Espiritu kon ako andam kaayo. Gibuhat ko kini pinaagi sa pagsulti og kinasingkasing nga mga pag-ampo ug maningkamot kutob sa akong mahimo nga makadungog Kaniya. Kon paminaw nako andam nako, mas malaumon ko ug lig-on. Nasayod ko nga kon andam kita, makadawat kita sa mga pag-aghat sa Espiritu.”
Pauline K., 17, Fiji
Ang Maghuhupay
“Ang Espiritu naghupay kanako. Kausa, miampo ko alang sa tabang sa piho nga isyu. Sa akong pag-ampo, mibati ko nga nahupay. Nasayod ko nga hangtod nga magsige ko og sunod sa Iyang tambag, ang Dios motabang ug mohupay nako. Kini nakapahimo kanako sa pagbasa sa mga kasulatan ug mobuhat sa tanan nakong mahimo aron mabati ang Espiritu kanunay.”
Sophie G., 15, Minnesota, USA