“Fesootai,” Mo Le Malosi o le Autalavou, Aok. 2023.
Fesootai
Manulele A.
16, Hawaii, ISA
Ata na pueina e Mason Coberly
Ou te sau mai Hawaii. O au foi o se tagata e mauaina ma tamoe i tua mo la’u au lakapi a le aoga maualuga.
Sa i ai se taimi na taaalo ai le matou au i se tauvaga i le Aso Toonai ma le Aso Sa. Ua uma ona ou filifili o le a ou le taalo i taaloga i Aso Sa. E toafa le au sa manunua i le Aso Toonai, o lea sa tele ai le uunaiga e taalo i le Aso Sa. Ae ou te le’i taalo. Nai lo lena, sa ou manao ou te alu i le lotu ma ai ma inu i le faamanatuga. O lea na aumai ai a’u e lo’u tausoga i le lotu.
E o mai le au lesitala i le kolisi e vaai pe faapefea ona e taalo i tauvaga lakapi. Sa ou iloa o le a ou misia avanoa e ala i le le taalo i le Aso Sa. Ae sa ou iloaina foi o le a faamanuia a’u e le Tama Faalelagi mo la’u tautinoga. Ina ua uma le tauvaga, sa ou faafetai ona sa faafesootai mai au e ni kolisi se lua. Ae sa sili ona ou faafetai mo le agaga sa ou lagonaina ina ua ou filifili e tausia le paia o le aso Sapati.