“Sauni mo Lo’u Faamanuiaga Faapeteriaka,” Mo Le Malosi o le Autalavou, Aok. 2023.
Sauni mo Lo’u Faamanuiaga Faapeteriaka
Ua faasoa mai e le autalavou le auala na latou iloa ai ua sa’o le taimi.
Ata na tusia e Valentina Sumano
“Sa ou tauivi moni lava mo le tele o masina ia iloa le taimi sa’o. Sa ou mafaufau loloto ma tatalo i po uma. I ni nai masina mulimuli ane, sa fesili mai ai lo’u epikopo pe i ai so’u faamanuiaga faapeteriaka. Sa ou fai atu leai, ma sa ia fai mai, ‘Ua lelei! Ta faia se faatalanoaga pe a tuua le lotu i le asō!’ Ina ua uma ona ma talanoa ma lo‘u epikopo, sa ou lagona le saunia e maua lo‘u faamanuiaga faapeteriaka. Ua ou iloa nei o le fesili a lou epikopo o se tali lea i na tatalo sa ou lagonaina e lei taliina mai.”
Makaya S., Texas, ISA, na mauaina le faamanuiaga i le 15
“Sa ou siitia mai lo’u nuu ma sa ou le iloa po o fea o le a taitaia ai a’u e lo’u ala. Sa ou manaomia le fesoasoani a le Atua!”
Clarissa B., Uosigitone, ISA, na mauaina le faamanuiaga i le 13
“Sa ou tatalo a o lei amataina le konafesi aoao ia iloa pe ua ou saunia, ma sa ou lagonaina le pei o lauga uma na uunaia ai le mauaina o se faamanuiaga.”
Duncan J., Iuta, ISA, na mauaina le faamanuiaga i le 17
“Sa faasoa mai e se uo e faapea i le sauniga faamanatuga sa ia te ia le manatu e faia lona faamanuiaga faapeteriaka. O le Aso Sa na sosoo ai, o le manatu lava lea e tasi na oo mai i lo’u mafaufau, ae ou te lei lagonaina le agavaa. O lea sa ou galue ai i lo’u agavaa seia oo ina mafai ona ou maua lo’u faamanuiaga. I se tolauapiga a le autalavou, sa ou faasoa atu ai la’u molimau e uiga i faamanuiaga faapeteriaka, lea na musuia ai se uo e maua lona faamanuiaga. Ona musuia lea e lenei tala atoa lo’u uso e sauni e maua lona faamanuiaga!”
O Theodor W., Suitiselani, na mauaina le faamanuiaga i le 17
“Sa amata ona ou mafaufau soo i ai, ona ou faaaluina lea o le taimi e tatalo ai ma talanoa i ou matua.”
Na maua e Arial C., Idaho, ISA, le faamanuiaga i le 17
“Sa i ai so’u manao mo lena mea! E lei i ai sou aafiaga tele. Sa na ona ou mafaufau i ai, manao i ai, ma sa sa’o le faalogona.
O Zeeli H., Iuta, ISA, na mauaina le faamanuiaga i le 16
“Sa ou ole atu i le Atua mo se taitaiga, ma sa Ia tali mai o se faamanuiaga faapeteriaka o le a fesoasoani ia te au.”
Marcelo T., Filipaina, na mauaina le faamanuiaga i le 18
“Sa ou mafaufau pea i ai! Ona fai mai lea o se lesona i le seminare, ‘Afai ua i ai i lou mafaufau, atonu ua oo i le taimi.’”
Bethanie C., Iuta, ISA, na mauaina le faamanuiaga i le 15
“Sa ou filifili e maua lo’u faamanuiaga i le mavae ai o le tatalo faamaoni ma se manao ia maua se malamalamaaga mai le Atua.”
Dustin H., Maryland, ISA, na mauaina le faamanuiaga i le 17
“Sa ou tatalo mo se fesoasoani ina ua mavae se po faigata tele. Ina ua uma le tatalo, sa ou maua lenei lagona lofituina o le ‘E tatau ona e mauaina lou faamanuiaga.’”
Cambrie D., Iuta, ISA, na mauaina le faamanuiaga i le 16
“Sa ou le mautinoa pe ua ou saunia e maua lou faamanuiaga faapeteriaka, ae i se tasi po sa ou tootuli ai ma tatalo e uiga i ai. Sa vave ona ou lagonaina le olioli ma le filemu.”
Jocelyn R., Iuta, ISA, na mauaina le faamanuiaga i le 12
“O tagata o le seminare sa faia ni fesili e uiga i faamanuiaga faapeteriaka, ma sa ou lagona o le faia o se faamanuiaga o le a mafai ona fesoasoani ia te au i le aoga maualuga.”
O Mason S., Arisona, ISA, na mauaina le faamanuiaga i le 14