“Imaron̄ Ped Wōt ilowaan wōt Ļain ko,” N̄an Kōkajoorļo̧k Jodikdik ro Jept. 2023.
Imaron̄ In Kōm̧m̧an Men Otemjej Ilo Kraist
Jodikdik ro rej kwaļo̧k wāween an Kraist kar kōkajoor er kōm̧m̧ani men ko reppen (lale Philippians 4:13).
Imaron̄ Ped Wōt ilowaan wōt Ļain ko
Jān ke ikar jinoe ettōr, ekar jinoe juon aō ettōņak n̄an rubwe ekoot eo an jikuuļ eo ilo ettōr. Innem tūrin tok jem̧ļo̧kin season in ikar ettōr m̧aiļ eo ilo ļalem minit ko, rubwe rekoot eo kōn eļapļo̧k 3 jekōn ko.
Raan eo tok juon, men̄e, kōm ekar lo bwe m̧ail eo aō ekar jab bōnbōn. Am̧bai ro rekar kōmeļeļeik bwe ikar bōk jilu bun̄tōn nā ko nam̧ōj in ļain eo, eo ekar kōm̧m̧an menin aer joļo̧k eō jān aikwoj eo. Rikaki eo aō ekar akwāāl kake bwe ikar wōt diwōj kōn juon rūttōr ekar uni eō. Am̧bai eo ekar ba, “Emaron̄ jab an bōd ke ekar diwōj, ak an bōd bwe ekar lukkuun ipaake ļain eo.” Ikar etal ilo aō en̄jake ke tōprak eo aō em̧ōj aer bōke jān n̄a ilo kalijōkļo̧k.
Jabōt eo tok juon ilo kūlaaj eo an Jiron̄ ro, kōm ekar alooje juon pijaan alooj me kar keidi n̄an ped wōt ilowaan ļain in ikkure ko n̄an kejparok kien ko.1 Ilo aolepen katak eo ikar jijet ijo, illu kōn kakeememej eo bwe ikar likjab.
Raan eo tok juon ikar ettōr ilowaan jikin ettōr eo, ikar kalimjōklaļļo̧k im kile bwe ikar ettōr wōt ioon ļain eo itulowa. Im aolep ļak in jidik iien, ij deļo̧n̄ ilowaan, āinwōt an am̧bai eo kar ba. Ikar m̧ōkaj im bōjrak aō ettōr, en̄jake ettā. Ikar jino iminene kōn ijo ikar ettōr ie jon̄an ikar jab kiiō loe kauwōtata ko ie.
Jeram̧m̧an bwe, kar bar letok juon aō bar iien kajjeon̄ jejjo wiik ko tokālik. Ikar kattoļo̧k n̄a make jān ļain eo ioļaptata im rubwe rekoot eo an jikuuļ eo, ilo iien in ikar ped wōt ilowaan ļain eo aō.
En̄jake eo ekar kōm̧m̧an menin aō ļōmņak kōn wāween aō epaake ļain eo ikar ettōr ie n̄an jet iaan kien ko. Ak kōnke kōn Jisōs Kraist im Pinmuur eo An, aolep iien ij bōk bar iien kajjieon̄ ilo aō ukweļo̧k.
N̄e ej itok n̄an kien ko, jej aikuj kattoļo̧k kōj make jān ļain eo im kōm̧m̧ane ijo em̧m̧antata n̄an ped wōt lowa. Ak ij kam̧m̧oolol bwe n̄e jej kōm̧m̧ani bōd ko, Rilo̧mo̧o̧r ej kōtļo̧k ad ukweļo̧k im bar kajjeon̄.
Raygan P., Utah, USA