“Ekkeijel,” N̄an Kōkajoorļo̧k Jodikdik ro, Jept. 20223.
Ekkeijel
Sisekelo Q.
15, South Africa
Pija jān Ntebaleng Twala
Emakijkij aō jar kōn jeram̧m̧an im ājmour eo an baam̧le eo aō. Bōtaab jet iien men ko rejjab jejjet n̄an kōtmene eo aō. Ikar jino ļōmņak eļan̄n̄e Anij ej ron̄ jar ko aō. Ilo an pere eo aō ļapļo̧k, edikļo̧k aō jar. Ikar ļōmņak, “Etke ij aikuj jar n̄e ijjab en̄jake jabdewōt men?”
Ak juon raan, ikar kile bwe ikar pere Anij. Eto wōt an baj Jema ilo lan̄, aō rie im kajoor eļaptata. Ikar jino jan̄. Ke ikar tōprakļo̧k m̧weo raan eo, ikar bukwelōlō im jar bwe ikar en̄jake aō jebwābwe ilo jetōb im kanniek.
Ālkin aō jar, ikar en̄jake kainōm̧m̧an, okmeenen, im iakwe. Ikar jelā bwe E ekar pād ippa. Ijeļā bwe Jemedwōj Ilan̄ ej loe apan̄ ko ad im ron̄ jan̄ ko ad. Jān raan eo m̧aanļo̧k, ikar meļeļe bwe E ewōr An karōk eļap n̄an baam̧le eo aō—karōk ko me reaikuji iien eo An im kijenmej eo aō.