2023
Jān Leta ko n̄an Kadiwōjļo̧k Imejatoto
Jeptōm̧ba 2023

“Jān Leta ko n̄an Kadiwōjļo̧k Imejatoto” N̄an Kōkajoorļo̧k Jodikdik ro, O̧kw. 2022.

Kōppopo n̄an Kweilo̧k eo Eļap

Jān Leta ko n̄an Kadiwōjļo̧k Imejatoto

Jān David A. Edwards

Māākjiin ko an Kabun̄ in

Ekōnono jān ritōl ro an Kabun̄ in em̧ōj an em̧m̧anļo̧k, ak un ko rej ped wōt ilo aer jab oktak.

Paul ej je juon leta

Enan̄in 2,000 Iiō ko Remootļo̧k

Ke E ekar ped wōt ioon laļ in, Jisōs Kraist ekar kajutak Kabun̄ eo An. Ālkin an Rilo̧mo̧o̧r kar jerkakpeje im weak n̄an lan̄, Rijilōk ro An rekar tōl Kabun̄ eo kōn mālim, m̧aden̄ļo̧k, im im̧we ko E ekar leļo̧k n̄an Er.

Ilo raan ko, ekkā an ritōl ro an Kabun̄ in ekōnono ippān ro uwaan Kabun̄ in ro rej ped jikin ko reoktak jān doon kōn leta ko.

Kalim̧m̧ur Ekāāl ewōr ie leta ko kar je jān Paul, Piter, Jon, James, im Jud. Leta kein rekar jeje kōn pā, bokļo̧k kōn pā, kapeiki kōn pā, im kar kōļap aer riiti.

Ekkā an ritōl rein an Kabun̄ in wōr wōt juon aer un ilo aer jeje leta kein. Rekar kappukot n̄an:

  • Kwaļo̧k kam̧ool im katakin gospel eo an Jisōs Kraist

  • Rojan̄, im̧we im ļōn̄aj.

  • Kakeememej er kōn kien ko im bujen ko.

  • Kwaļo̧k apan̄ ko rej waļo̧k iien eo.

  • Kakōl kōn menin kauwōtata ko.

  • Kajim̧we jabdewōt bōd ko me remaron̄ deļo̧n̄eļo̧k Kabun̄ eo.

  • Kakkobaiki Kabun̄ eo

Russell M. Nelson

Rainin

Kōm̧ōkajkajļo̧k n̄an enan̄in 2,000 iiō ko im kwonaaj loe bwe aolepen men ko em̧ōj aer oktak, bōtaab jet men reļakkar jab oktak.

Jisōs Kraist ekar kajepļaaktok Kabun̄ eo An n̄an laļin, im ebar wōr kiiō rikanaan ro im rijilōk ro n̄an tōl e. Ak jān raan ko an leta, ekōnono kōn technology em̧ōj an em̧m̧anļo̧k—jān kein būriin n̄an radio n̄an tv n̄an intōrnet.

Ritōl ro an Kabun̄ in remaron̄ kiiō leļo̧k enaan ko ilo kweilo̧k eo eļap n̄an aolepen Kabun̄ in ilo juon wōt iien. Ej barāinwōt diwōjļo̧k ilo satelitte ko im kadiwōjļo̧k imejatoto ilo online ilo elōn̄ kajin ko ilo juon wōt iien. Ilowaan wōt raan ko, ennaan eo ej ped online ilo elōn̄ kajin ko, im ilo jekjek eo em̧ōj būriini rej jilkinļo̧k ilo aolepen laļin.

Ilo am̧ kōppopo n̄an kweilo̧k eo eļap ej itok wōt, kwomaron̄ ļōmņak kōn leta ko ilo Kalim̧m̧ur Ekāāl. Iien ko rekar oktak, im technology ekar bar ļap an oktak. Ak ennaan ko an kweilo̧k eo ej kakūrm̧ool ejja un ko reaurōk. Ilo am̧ en̄jake enaan ko ilo kweilo̧k eo, kwomaron̄ ļōmņak kōn wāween aer:

  • Kwaļo̧k kam̧ool im katakin gospel eo an Jisōs Kraist

  • Rojan̄, im̧we im ļōn̄aj.

  • Kakeememej er kōn kien ko im bujen ko.

  • Kwaļo̧k apan̄ ko rej waļo̧k iien eo.

  • Kakōl kōn menin kauwōtata ko.

  • Kajim̧we jabdewōt bōd ko me remaron̄ kar deļo̧n̄eļo̧k Kabun̄ eo.

  • Kakkobaiki Kabun̄ eo