“En̄jake Mōk, Lokjak, ak Būrom̧ōj?,” N̄an Kōkajoorļo̧k Jodikdik ro, Jept. 2023.
Mour Jipan̄
En̄jake Mōk, Lokjak, ak Būrom̧ōj?
Erkein jet iaan men ko kwomaron̄ kōm̧m̧ane kōn menin.
Test in Lale Jon̄an Mōk
Ewi jon̄an būrom̧ōj ak m̧ōk eo kwoj en̄jake?
Eļan̄n̄e kwoj en̄jake ejjeļo̧k kōjatdikdik, ikūm̧kūm̧, ak inepata aitok kitien, jouj im kappukot jipan̄ jān am̧ ekōnono n̄an juon rūtto eo kwoj lōke. Kwomaron̄ bar kajjeon̄e jet iaan kein jipan̄ kein ilo jekjōn yellow eo (eļaptata men ko repidodo), ak jet iien kwomaron̄ aikuj eļapļo̧k jipan̄, im men eo ej em̧m̧an wōt.
Eļan̄n̄e kwoj en̄jake am̧ kōņaan bōk mour eo am̧ make, kappukot jipan̄ ilo ien eo em̧ōkajtata. Kūrļo̧k local emergency help line eo, m̧ōn police, ak hospital.
Ej m̧ōttan mour in n̄an en̄jake lokjak, būrom̧ōj, ak jet iien inepata. En̄jake kein ekkā aer waļo̧k jān jekjek ko ilo mour in im rej itok im etal ilo an mour in oktak. Kajjeon̄e jet iaan kein jipan̄ kein emaron̄ jipan̄!
Men ko Repidodo
-
Jitļo̧k n̄an Jemedwōj Ilan̄. E ej ron̄ im uwaake jar ko am̧. E jipan̄ eok jelm̧aik apan̄ ko me rej iooktok eok.
-
Pedped ioon Jisōs Kraist. “Mōņōņō eo jej en̄jake edik jetņakin ilo wāween mour ko ad im aolep men otemjej jej kōm̧m̧ani kōn mije mour ko ad.”1
-
Jipan̄ ro jet. “Ilo ad joļo̧k mour ko ad make ilo jerbal in jipan̄ n̄an ro jet, jej lo mour ko ad make im m̧ōņōņō eo ad make.”2
-
Dāpij ājmour eo an jetōb eo am̧. Riiti jeje ko rekwojarjar kajjojo raan, etal n̄an tampeļ eo n̄e emaron̄, bōk kwojkwoj eo, kejparok bujen ko am̧, im ukweļo̧k kajjojo raan. Kajjitōk n̄an bōk kōjeram̧m̧an eo an priesthood n̄e kwoj aikuji.
-
Dāpij ājmour eo an ānbwinnūm̧. Bōk ebwe kiki im kājimourur ānbwinnūm̧, im pokake Naan in Māletlet.
Eļan̄n̄e Kwoj En̄jake Lokjak
-
Mije kiiō. Ejjab jipan̄ n̄an inepata kōn ilju im jakļaj ak inepata kōn ko remootļo̧k. Iiien eo kiiō ej men eo wōt kwomaron̄ ukote.
-
Bōk iien n̄an kakkije. “E jab aikuj bwe juon armej en ettōr m̧ōkajļo̧k jān kajoor eo an.” (Mosaia 4:27).
-
Ļōmņak em̧man. En̄jake ko rekam̧ōjņo̧ņo̧ remaron̄ waļo̧k jān ļōmņak ko rem̧ōjņo̧. Ļōmņak kajoor emaron̄ jipan̄ eok kadikļo̧k am̧ en̄jake mijak im lokjak.
Eļan̄n̄e Kwoj En̄jake Būrom̧ōj
-
Jeļa bwe māllijon̄ ko rej m̧ōttan karōk eo. En̄jake im ioon jekjek ko reppen ejjab meļeļe kwoj kōm̧m̧ane juon men ebōd. Lōke bwe Jemedwōj Ilan̄ enaaj kōkajoor eok im bwe apan̄ ko am̧ renaaj jim̧ōr jerbal n̄an em̧m̧anļo̧k eo am̧ (Katak im Bujen ko 90:24; bar lale Rom 8:28; Katak im Bujen ko 122:5–9).
-
Mije kam̧m̧oolol. Je men ko kwoj kam̧m̧oolol kaki kajjojo raan, im lukkuun lale bwe kwon kam̧m̧oolol Jemedwōj Ilan̄ (Lale Katak im Bujen ko 98:1).
-
Kōm̧m̧ane men ko eitok limoum ie. Joļo̧k iien ippān ro m̧ōttam̧ im baam̧le eo am̧, kajjeon̄ e kein kalimomo ko rekāāl, ron̄jake al ko rej ļon̄aj, ak karōke juon m̧akūtkūt ekalimomo.
Eļan̄n̄e Kwojjab En̄jake Am̧ Bwe Jon̄an Am̧ Em̧man
-
Jeļā bwe kwojjab aikuj wāppen. “Ilo mour in wānōk ej ‘likjab.’ wōt”3 Jab keidi eok make n̄an ro jet, ilo mour in ak ilo social media.
-
Kōnono jouj n̄an eok make. Jouj n̄an eok make, āinwōt nej am̧ kar n̄an juon m̧ōttam̧. Jetōb Kwojarjar enaaj bar jouj an ekōnono waj im ejjāmin naaj kōm̧man kōjak kake eok im kōttāiki eok.
-
Jeļā bwe Rilo̧mo̧or ej kōm̧m̧ane ijo elikjab. Jisōs Kraist ekar mej kōn jerawiwi ko ad im bōk ioon Make metak ko ad, nan̄inmej ko, m̧ōjņo̧ ko (lale Alma 7:11–12). Eļan̄n̄e jenaaj ettā, E ekar kallim̧ūr n̄an “kōm̧m̧an menin m̧ōjņo̧ ko erom̧ kajoor” (Ether 12:27). Jemaron̄ jab bwe jon̄an em̧m̧an eo ipped make, ak emaron̄ bwe jon̄an ad em̧m̧an Ippān.
Kōjjem̧lo̧k
Enaaj bōlen wōr am̧ raan ko rellōn̄ ke kwoj en̄jake peran im pojak n̄an jelm̧aik māllijon̄ ko an mour in. Jekdoon eo jon̄an em̧m̧an am̧ en̄jake, likkuun lale bwe kwoj kōm̧m̧ani men ko repidodo.
Jar n̄an Jemedwōj Ilan̄—men̄e mour in epidodo. Mije wōt ta eo Rilo̧mo̧or em̧ōj An kōm̧m̧āne n̄an eok im ilo mour eo An im katak ko an—em̧ool men̄e men ko rej em̧m̧an. Innem n̄e kwoj en̄jake en̄jake ko reppen, kwonaaj em̧m̧anļo̧k am̧ pojak n̄an kōjebwebweiki.