“Kāālet n̄an Jerbal,” N̄an Kōkajoorļo̧k Jodikdik ro, Jept. 2022.
Imaron̄ In Kōm̧m̧an Men Otemjej Ilo Kraist
Jodikdik ro rej kwaļo̧k wāween an Kraist kar kōkajoor er kōm̧m̧ani men ko reppen (lale Philippians 4:13).
Kāālet n̄an Jerbal
Ikar baj wōt kōņaan jerbale juon mijen, ak ke ekar 18 aō iiō, nan̄inmej eo ekar ijjinoe ajeeded ilo aolepen laļin. Ikar jab pojak n̄an jerbal, kōn menin ikar jinoe college, im ikar bōk juon scholarship eļap. Elōn̄ armej ro rekar ļōmņak em̧m̧anļo̧k n̄e ijab etal im mijen. Ikar en̄jake an jakoļo̧k ikdeelel eo aō n̄an jerbal.
Ak tokālik ilo kweilo̧k eo eļap Būreejtōn M. Russell Ballard ekar ba, “Eļan̄n̄e kom̧ij pād wōt ilo iiō in jerbal in jipan̄ an mijenede ak jan̄in de jerbal kōn ajedeed in nan̄inmej eo ak un ko jet, ij kūr kom̧ n̄an jerbal kiiō.”1 Ke ekar ba naan eo “kiiō,” ikar en̄jake enoot n̄e ekar kōnono n̄an eō—bwe Ij aikuj jerbale juon mijen kiiō. Jān raan eo ikar jar kake im bōk alikkar in uaak eo bwe ej iien n̄an aō jerbal n̄an Irooj.
Ikar bōk eļap naan in kajirere kōn kālet eo aō. Scholorship eo aō ekar barāinwōt jako. Bōtaab ikdeelel eo aō n̄an etal ekar bwe an kajoor jon̄an ejjeļo̧k iaan men ko rekar aurōk. Kar kūr eō n̄an jerbal ilo Guatemala Quetzaltenango Mijen Eļap an aurōk kōnke ro jinō im jema rekar liāp n̄an indeeo ilo Guatemala.
Eļan̄n̄e kwoj ļōmņak n̄e kwoj aikuj ke jerbale juon mijen, ejjab rūm̧wij! Lōke ilo Jemedwōj Ilan̄ im Jisōs Kraist aolep iien. Renaaj tōl eok im kōjeram̧m̧an kōj kōn men ko jejjab maron̄ pijaikļo̧k.
Enoc M., Dominican Republic